Kryetari i Aleancës për Ardhmërinë e Kosovës (AAK), Ramush Haradinaj ka përkujtuar 22 vjetorin e masakrës në Pastasellë të Komunës së Rahovecit.
Haradinaj shkruan se kujton ata që martirizuan 22 vite më parë në Pastasellë e ku thotë se dora barbare nuk kurseu as të miturit, as gratë e as pleqtë.
Ai nëpërmjet një shkrimi në “Facebook”, ka shkruar se “Barbarët shkuan me turp e ne qëndrojmë në Atdheun tonë”.
“Përgjithmonë në kujtesën tonë. Kujtojmë motrat e vëllezërit tanë, që u martirizuan njëzetedy vite më parë në Pastasel. Dora barbare, nuk i kurseu as të miturit, as gratë e pleqtë, në tentim të zhbërjes së qenies tonë. Barbarët shkuan me turp e ne qëndrojmë në Atdheun tonë! Me dhembje e krenari! Në liri! Duke kërkuar ata që ende nuk janë riatdhesuar. Duke kërkuar drejtësinë për ta. Përjetësisht të përulur para sakrificës së madhe, që kurrë nuk e harrojmë”, ka shkruar Haradinaj. /KP