Kreu i Aleancës për Ardhmërinë e Kosovës (AAK), Ramush Haradinaj dhe kryetari i Komunës së Deçanit, Bashkim Ramosaj kanë bërë homazhe pranë lapidarëve të dëshmorëve në Deçan për nder të Ditës së Dëshmorëve të kësaj komune.
Haradinaj dhe Ramosaj, të shoqëruar nga qytetarë të shumtë vendosën lule pranë lapidarëve të dëshmorëve Mentor Tolaj, Salih Çekaj, Beg Rizaj, Luan Haradinaj dhe pranë lapidarit të dëshmorëve Nagip Cacaj, Isa Kuçi, Valdet Kuçi, Bajram Rr. Goga dhe Himë Mushkolaj.
Homazhe gjatë ditës së sotme do të ketë edhe pranë varreve të të gjithë dëshmorëve të kësaj komune./KP
