Pas takimit me kryeministrin e Kosovës Albin Kurtin, kryetari i AAK-së Ramush Haradinaj tha se kanë diskutuar për përmbajtjen e një marrëveshjeje potenciale Kosovë-Serbi.
“Kemi diskutuar në detaje për këtë marrëveshje potenciale duke shtuar se marrëveshja duhet të ketë edhe vulën e ShBA-së. Sapo e përfunduam një takim më kryeministrin Kurti, tema ishte marrëveshja finale me Serbinë, sfidat që i ka Kosova në këtë proces. Pra ishte një takim me përmbajtje për shkak që kemi diskutuar përmbajtjen e një marrëveshje të suksesshme Kosovë-Serbi”, tha Haradinaj.
Kryetari i AAK-së, theksoi se në diskutim për krejt nenet e marrëveshjes, kemi provuar me dhënë kontributin tonë si Aleancë në mënyre që Kosova ta kalojë këtë proces, të arrij sukses.
“Besoj që do të vazhdojmë më tutje bashkë me aleatët tonë bashkë me Amerikën dhe aleatët Evropian. Ajo që besoj që është e rëndësishme në këtë proces edhe ky proces duhet ta ketë vulën e Amerikës, pra për të qenë ky proces në garanci të plota duhet të nënshkruhet edhe nga niveli amerikanë”, tha kreu i AAK-së.
Më tej Haradinaj theksoi se ishte si kërkesë e tij që si garanci për këtë proces të kemi vulën e Amerikës. Me rëndësi është si Kosovë që një proces që është shumë i gjatë, dhe një proces për të cilin kemi vdekur pra liria, që ta marrim sa më seriozisht temën e dialogut, vendimet e dialogut nuk janë vendime që i ndryshon kush pastaj ju sigurojnë që të jemi sa më serioz në këtë proces.
“Aleanca do ta ndihmoj Kosovën, jo Albin Kurtin, jo Qeverinë”, tha Haradinaj.
/Sinjali