Deputeti i Vetëvendosjes, Haki A**** (gazeta ka vendosur t’i referohet Haki Abazit në këtë formë, pasi i njëjti nuk ka pranuar të përgjigjet në pyetjet e Nacionales), sot është paraqitur në Gjykatë, për rastin e rrahjes së tij me Dardan Molliqajn.
Megjithatë, pak para se të niste seanca, deputetit të Vetëvendosjes i erdhën disa lëvdata të mëdha.
Një burrë rreth të 60-ave, kishte ardhur enkas për ta takuar A****, raporton gazeta Nacionale nga Pallati i Drejtësisë.
“Jam simpatizanti yt, je njeri ma i mençur në Kosovë, mos lësho pe”, i tha ky qytetar deputetit të Vetëvendosjes.
Ishte avokatja e Abazit e cila filloi të bisedonte me të. Në bisede e sipër, ai tregoi se është nga qyteti i Ferizajt, e se me profesion është biolog.
“E kam dashur Rugovën, tash Haki Abazin.”
Ai gjithashtu, tërë kohën i bënte pyetje avokates së Abazit, rreth procedurës: “Kur fillon? Pse nuk po vjen Molliqaj? A vjen?”, pyeste ai.
Megjithatë, A**** nuk u mor fort me të, duke mos ia thënë asnjë fjalë./Nacionale