Shtëpitë private vazhdimisht janë në shënjestrën e hajnave për t’i vjedhur. E një vjedhje e rëndë është raportuar sot në mëngjes në fshatin Grac të komunës së Vushtrrisë, raporton Gazeta Sinjali.
Burimet e Gazetës Sinjali brenda Prokurorisë bëjnë të ditur se hajnat kanë hyrë me forcë brenda një shtëpie, ku sipas ankueses kanë shkaktuar dëme në vlerë mbi 1 mijë euro.
Ajo ka deklaruar në Polici se hajnat kanë marrë një pompë të ujit si dhe sasi të madhe të mishit që ndodhej në një friz në një nga dhomat e shtëpisë.
Momentalisht nuk ka persona të dyshuar, por Prokuroria ka nisur hetimet lidhur me rastin ‘Vjedhje e rëndë’.