Kosova dhe Izraeli, në një ceremoni virtuale, kanë nënshkruar zyrtarizimin e marrëdhënieve diplomatike mes dy vendeve.
Richard Grenell, ish i dërguari amerikan i ish-presidentit Donald Trump për bisedimet Kosovë-Serbi, Richard Grenell, e ka përshëndetur këtë të arritur.
Ai ka komentuar në profilin e Ministrisë së Jashtme të Izraelit, ku po transmetohej direkt ceremonia e nënshkrimit të marrëveshjes.
“Është kjo një ditë e mrekullueshme! Po e përcjellim nga Kalifornia”, komentoi Grenelli, raporton Zeri.info.
Edhe në profilin e tij në Twitter, Grenelli e përshëndeti këtë të arritur.
“Ditë e mrekullueshme. Izraeli dhe Kosova zyrtarisht nënshkruajnë marrëdhëniet diplomatike. Faleminderit Meliza Haradinaj-Stublla, MPJ e Izraelit, Donald Trump dhe Sekretari i ri i Shtetit, Antony Blinken për përkushtimin tuaj për ta bërë ditën e sotme vërtetë historike”, shkroi ai.
Kujtojmë se Grenelli ishte pjesë integrale e arritjes së marrëveshjes për njohje reciproke mes Kosovës dhe Izraelit, marrëveshje kjo e nënshkruar në Shtëpinë e Bardhë mes kryeministrit Avdullah Hoti dhe presidentit të Serbisë, Aleksandar Vuçiq, në prezencë të presidentit të atëhershëm, Donald Trump./RTK