Kryetari i Kuvendit të Kosovës, Glauk Konjufca, aktualisht po e udhëheq seancën plenare. Por, në kohë të ngjashme Gjykata Themelore në Prishtinë kishte caktuar ndaj tij një seancë gjyqësore.
Kjo për shkak të aktakuzës që rëndon mbi Konjufcën për hedhjen e gazit dhe pengimin e personave në kryerjen e detyrës zyrtare. Këto veprime, Konjufca i kishte kryer në vitin 2016 në një mbledhje të kryesisë, kur në Kosovë dominonin tensionet për demarkacionin dhe Asociacionin.
Megjithatë, gazeta Nacionale ka mësuar se Glauk Konjufca dje nëpërmjet një letre ka kërkuar nga Gjykata që seanca të shtyhet për shkak të angazhimeve.
Si rezultat, për shkak të mungesës së palëve në procedurë, seanca e sotme është shtyrë./Nacionale