Gjykata ka marrë vendim ndaj Musli Rexhepit, gjyshit të nxënëses që vijon mësimin në shkollën “Ismail Qemaili” që tentoi ta sulmonte Rrahman Jasharajn muaj më parë.
Ndaj tij është shqiptuar vërejtje gjyqësore, ka bërë të ditur mbrojtësi i tij.
Rexhepi ishte arrestuar më 6 shtator, nën dyshimet se kërcënoi dhe tentoi ta sulmojë fizikisht Jasharajn.
Me vendim të Prokurorit të Shtetit, ai ishte dërguar në mbajtje, nën dyshimet se ka kërcënuar kreun e SBASHK-ut me fjalët “ O plak, kam me t’vra, po na i len fëmijët pa shkolle”, duke tentuar ta sulmojë fizikisht.
Ndryshe, vërejtja gjyqësore mund të shqiptohet për vepra penale për të cilat është paraparë dënimi me burgim deri në 1 vit se dënimi me gjobë, në rastet kur veprat e tilla janë kryer në rrethana lehtësuese të cilat i bëjnë veprat penale veçanërisht të lehta.