Një ngjarje e rëndë ka ndodhur sot rreth orës 15:35 në lagjen Velania në Prishtinë, ku është gjetur pa shenja jete një person, raporton Gazeta Sinjali.
Burimet e Gazetës Sinjali brenda Emergjencës bëjnë të ditur se kanë pranuar thirrje për ndihmë, pasi një person në rrugën ‘Emrush Miftari’ dyshohej se ishte në rrezik për jetën.
Ekipi mjekësor i Emergjencës ka dalë në vendin e ngjarjes, ku mjeku kujdestar ka konstatuar vdekjen e viktimës.
Ndërkohë trupi i pajetë është dëguar në Institutin e Mjekësisë Ligjore për obduksion.
Sinjali mëson se i ndjeri nuk i është lajmëruar qe një kohë të gjatë familjarëve të tij e as pronarit të shtëpisë ku jetonte me qira.
Lidhur me rastin është njoftuar edhe Policia e Kosovës të cilët kanë dalë në vendin e ngjarjes për të kryer ekzaminimet e nevojshme.
Gazeta Sinjali ka provuar të marrë informacione nga Policia, por që të njëjtit nuk kanë kthyer ende përgjigje.
Sinjali do t’iu mbajë të informuar.