Një person i moshës 70-vjeç është gjetur sot pa shenja jete në kryeqytet.
Lajmi për KosovaPress është konfirmuar nga Flora Ahmeti, zëdhënëse e policisë rajonale në Prishtinë.
“Rreth orës 16:00 është marrë informata për një person pa shenja jete në një lokal në rrugën ” Fazli Grajçevci” në Prishtinë. Policia ka dalë në vendin e ngjarjes, po ashtu edhe ekipi mjekësor emergjent, i cili ka konstatuar se trupi i një mashkulli rreth 70-vjeç është pa shenja jete. Aktualisht janë duke u ndërmarrë të gjitha veprimet e nevojshme për zbardhjen e rrethanave të rastit”, ka thënë Ahmeti./KosovaPress