Pas ngjarjes së rëndë të ndodhur në Pejë ku një infermiere e qendrës për të moshuar “Orenda” u filmua duke goditur një grua në moshë, ka folur djali i saj.
Lidhur me rastin, ai tha se për momentin ia kanë lënë drejtësisë të merret dhe se nuk ka kontaktuar akoma me familjarët e infermieres që bëri gjestin e rëndë.
“Mua më morën në telefon. E rëndësishme për mua të vij këtu se unë jetoj në Belgjikë, Nëna do qëndrojë me mua këtu në Kosovë, në Belgjikë do shkojmë pasi të bëhen procedurat ligjore. E kam vendos që nëna kurrë të mos jetë e tjetërkujt përveç se e imja dhe e motrës time”, tha djali i saj në TopChannel.
Në Qendrën e të moshuarve në Pejë “Orenda” ku edhe ndodhi sulmi ndaj të moshuarës edhe sot kanë vazhduar inspektimet pasi inspektorë e zyrtarë nga Policia janë parë duke hyrë në objektin e kësaj qendre.