Rastet e të shtënave me armë gjatë ahengjeve të ndryshme në Kosovë janë të shpeshta, të cilat përveç se janë të kundërligjshme, shumë herë janë edhe të rrezikshme. Për një rast të tillë, që ka ndodhur mbrëmë në Rugovë të Pejës, ka përfunduar në ndalim policor një 25-vjeçar.
Burimet e Sinjalit brenda Prokurorisë kanë bërë me dije se pronari i një restoranti kishte organizuar një aheng me rastin e ditëlindjes së tij, duke festuar edhe me armë. Posa Policia ka marrë informacionin ka dalë në vendin e ngjarjes, ku në oborrin e lokalit janë gjetur mbi 10 gëzhoja të armës, të shkrepura nga i dyshuari.
Për shkak të përdorimit të armës dhe posedimit të saj, i riu është shoqëruar në stacion policor, ku gjatë intervistimit ka deklaruar se armën e ka hedhur në një pjesë afër restorantit, por që Policia ende s’e ka gjetur.
Lidhur me rastin, Prokurori i Shtetit ka urdhëruar që i njëjti të dërgohet në mbajtje për 48 orë dhe ndaj tij të nisin hetimet në drejtim të dy veprave panel “Mbajtje në pronësi, kontroll, posedim të paautorizuar të armës” dhe “Përdorim i armës apo mjetit të rrezikshëm”.