Një rast shqetësues ka ndodhur sot pasdite në qytetin e Prishtinës, ku një vajzë e vogël e moshës 11-vjeçare është ngacmuar e ndjekur nga një burrë 39-vjeçar, raporton Gazeta Sinjali.
Burimet e Gazetës Sinjali bëjnë të ditur se njësitet policore kanë arritur që ta identifikojnë personin e dyshuar, për të cilin e mitura ka deklaruar se po e përcillte nga lokacioni i Teatrit Kombëtar në qendër të qytetit, deri te lagjja Arbëria.
39-vjeçari H.K., është arrestuar dhe i njëjti është shoqëruar në stacion policor për intervistim.
Pas përfundimit të procedurave, me vendim të prokurorit kompetent, atij i është caktuar masa e ndalimit në kohëzgjatje prej 48 orësh dhe ai do të hetohet nën dyshimet për kryerjen e veprës penale ‘Ngacmim’.