Një ngjarje e rëndë ka ndodhur para disa orësh në një objekt në rrugën “Holger Petersen” në Prishtinë, ku një 28-vjeçar ka humbur jetën pasi është rrëzuar derisa ka qenë duke punuar, raporton Gazeta Sinjali.
Burimet nga Emergjenca kanë bërë me dije se i riu është dërguar menjëherë në Qendrën Klinike Universitare të Kosovës, por përkundër intervenimit të mjekëve, i riu s’ka mundur t’u bëjë ballë plagëve dhe ka vdekur.
Për rastin është vënë në dijeni edhe Policia e Prokuroria, ndërkohë që kanë nisur hetimet që zbardhin rrethanat në të cilat ka ndodhur rasti.