E rëndë: Nëna gjen pa shenja jete djalin 22-vjeçar në banjon e shtëpisë, ishte përdorues i narkotikëve

- in Lajme

Një ngjarje e rëndë ka ndodhur pasditen e sotme në një familje në rrugën “Tahir Zaimi” në Prishtinë, raporton Gazeta Sinjali.

Një i ri 22-vjeçar është gjetur pa shenja jete nga nëna e tij në banjon e shtëpisë.

Burime të Gazetës Sinjali brenda Prokurorisë bëjnë me dije se lidhur me rastin, është intervistuar nëna e tij, e cila në Polici ka deklaruar se djali i saj ishte përdorues i narkotikëve.

Policia dhe Autoambulanca kanë dalë në vendin e ngjarjes, ku ekipi mjekësor e ka konstatuar vdekjen e viktimës, derisa është bërë ekzaminimi i vendit të ngjarjes.

Trupi i pajetë është dërguar në Institutin Mjeko-Ligjor dhe me vendim të prokurorit është iniciuar rasti hetim mbi vdekjen.

/GazetaSinjali/