Një person është gjetur pa shenja jete sot, në orët e para të mëngjesit, në shtëpinë e tij, në Prishtinë, raporton Gazeta Sinjali.
Sinjali mëson se bëhet fjalë për një 62-vjeçar, N.K., i cili që një kohë të gjatë ka jetuar i vetëm dhe sipas informacioneve të para dyshohet se ka pasur probleme psikike.
Vdekjen e tij e ka konfirmuar ekipi i mjekëve që ka dalë në vendin e ngjarjes, ndërkohë që Policia ka intervistuar disa dëshmitarë në vendin e ngjarjes
Pas ekzaminimit të vendit ku u gjet i ndjeri, Prokurori ka urdhër që trupi i pajetë të dërgohet për obduksion, ndërsa të iniciohet rasti “hetim mbi vdekjen”.