Mbrëmë, pas mesnate, në rrugën “Ali Ibra”, në Gjakovë, ka ndodhur një përleshje mes disa personave, ku si pasojë tre prej tyre kanë mbetur të lënduar. Ngjarja dyshohet se ndodhi të shtëpia e viktimave, ku i dyshuari shkoi për t’i sulmuar, pasi e akuzuan se po takohej me vajzën e tyre, raporton Gazeta Sinjali.
Sinjali mëson se i dyshuari bashkë me një person tjetër i kanë sulmuar me shkopinj druri tre anëtarë të kësaj familje, te shtëpia e tyre. Gjithçka ndodhi pasi këta të fundit e akuzuan njërin nga të dyshuarit se po takohet me vajzën e tyre fshehurazi.
Ata e pësuan keq, pasi të dyshuarit i sulmuan duke iu shkaktuar lëndime trupore, për çka u detyruan të kërkojnë ndihmë mjekësore në Spitalin rajonal të Gjakovës.
Burimet thonë se Policia ka dalë në vendin e ngjarjes, ku kanë gjetur një shkop të drurit, që është konfiskuar si provë për rastin, teksa i dyshuari kryesor është ndaluar për 48 orë.