Dy persona janë lënduar teksa janë rrahur mes vete në Prishtinë.
Lajmi është bërë i ditur nga zëdhënësja e Policisë për rajonin e Prishtinës, Flora Ahmeti.
“Sot rreth orës 19 :30, kemi pranuar informatën për një përleshje fizike e cila ka ndodhë në rrugën “Bajram Kelmendi” në Prishtinë.
Bazuar në të dhënat fillestare, në këtë rast nga mjete të forta, janë lënduar dy persona.
Personat e lënduar janë dërguar për trajtim mjekësor, ndërkohë që në stacion policor është shoqëruar një person i cili ka qenë i përfshirë më rrahje.
Policia ka nisur një hetim lidhur me rrethanat e këtij rasti”.
Ndërkaq nga Qendra Klinike dhe Universitare e Kosovës kanë thënë se gjendja e të lënduarve është jashtë rrezikut për jetë.
“Gjendja e dy pacienteve pranuar në Emergjencë është e mirë, janë trajtuar dhe nuk ka rrezik për jetë”, ka thënë mjeku kujdestar Avdush Bajgora në QKUK për RTK-në./Periskopi