Rastet e dhunës në familje janë në rritje çdo ditë e më shumë. Zakonisht viktima janë gratë, të cilat përjetojnë dhunë psikike e fizike jo vetëm nga bashkëshortët, por edhe nga pjesëtarët tjerë të familjes, raporton Gazeta Sinjali.
Sinjali mëson se një rast i tillë është raportuar të premten në fshatin Shpenadi të Prizrenit, ku një 46-vjeçare ka denoncuar në Polici vjehrrin e saj.
Sipas burimeve të Sinjalit, viktima ka deklaruar në Polici se vjehrri i saj 85-vjeçar po ushtron dhunë ndaj saj, duke iu vërsul, duke i shkaktuar shqetësim asaj, për çka ka vendosur ta denoncojë rastin.
Si rezultat i raportimit, me urdhër të Prokurorit të Shtetit kanë nisur hetimet për dhunë në familje.