Është rikthyer përsëri në skenë debati se a ka qenë kryeministri Albin Kurti veteran i Ushtrisë Çlirimtare të Kosovës [UÇK] apo jo. Ka mendime të ndryshme për këtë punë.
Tash, deputeti i Vetëvendosjes, Arbër Rexhaj, ka minimizuar kontributin e veteranit.
Ai ka thënë në Kanal 10 se çështja e veteranit mund të interpretohet dhe se për të vlerë me të çmuar ka angazhimi i Kurtit për Kosovën sesa vlerat e një veterani.
“Është çështje interpretimit, qysh e interpreton ti veteranin. Zotri Kurti ka dhënë për Kosovën, duke qenë edhe student, duke qenë edhe në burg së bashku me Matoshin, megjithatë ka qenë edhe sekratar i UÇK-së”
“Për mua, zotri Kurti bart vlera më të çmuara sesa të veteranit në kuptimin e angazhimit për Kosovën dhe angazhimin për Ushtrinë Çlirimtare të Kosovës, pra më të mëdha se ato”, ka thënë ai.
Ka debat të gjerë mbi punën se a ishte Kurti veteran i UÇK-së, teksa Kurti ka lënë të kuptohet se ishte pjesë e UÇK-së kur pati thënë se për këtë punë duhet pyetur ish-komandatët e UÇK-së, Rrustem Mustafën dhe Sylejman Selimin.
Në anën tjetër PSD-ja e Dardan Molliqajt e ka shpallur Kurtin veteran të rrejshëm./Nacionale