Deputeti i Aleancës për Ardhmërinë e Kosovës, Bekë Berisha ka kërkuar nga qeveria që të largojë kufizimin e lëvizjes për qytetarët e Kosovës.
Në seancën e Kuvendit të Kosovës, ai ka thënë se ora policore nuk ka asnjë efekt në mbrojtjen e shëndetit publik nga pandemia me Covid019.
Berisha: Largojeni orën policore
“Ora policore është logjikë e kontrollit e jo logjikë e mbrojtjes së shëndetit publik. Po i vendosim policët si kujdestar politik, po i maltretojmë pa asnjë efekt. Largojeni orën policore dhe lirojeni qarkullimin e lirë”, ka thënë Berisha.
Me vendim të Qeverisë së Kosovës, me qëllim të ndalimit të përhapjes së virusit, lëvizja e lirë e qytetarëve ndalohet në orën 22:30 deri në 05:00 të mëngjesit, përveç në rastet urgjente dhe shëndetësore. /KP