Deputetja e PDK-së, Blerta Deliu, i është kundërpërgjigjur deputetit të VV-së, Armend Muja, i cili ka thënë se qeveria e PDK-së e ka zakon që të blejë energji nga Serbia. Sipas tij, qeveria e VV-së në vitin 2021 ka importuar energji kryesisht nga Sllovenia, Shqipëria, Danimarka dhe Maqedonia e Veriut.
Deliu ka thënë se Kurti, kompanisë që Muja i referohet si sllovene, e konsideronte të themeluar UDB-ja.
“Sipas tij, GEN qenka një kompani sllovene, por e tillë nuk ishte për Albin Kurtin në vitin 2019, kur Kurti e kishte cilësuar të njëjtën “kompani të themeluar nga UDB-ja” e të mirëmbajtur nga mafia energjetike serbe. Mbase para një orvatje të tillë, do të duhej fillimisht ta pyeste Albin Kurtin se cila është e vërteta. Meqenëse Kurti është bërë “gur” dhe po fshihet para qytetarëve, mbase Mujes do të ia kishte shpjeguar të vërtetën”, shkroi Deliu në Facebook. /Nacionale
POSTIMI I PLOTË: