Presidentja e Kosovës, Vjosa Osmani, pas takimit me partitë politike ka njoftuar se sipas të gjitha gjasave, 18 dhjetori do të jetë data e zgjedhjeve të parakohshme në komunat veriore.
Ajo tha para mediave të hënën se për këtë datë u dakorduan edhe me subjektet politike që morën pjesë në takim.
“Sipas të gjitha gjasave do të jetë data 18 dhjetor, sapo t’i marrim mendimet për përgatitje të zgjedhjeve. Janë ngritur në takim edhe shqetësimet tjera. Si presidente do të mundohem që qytetarëve të ju ofrohet siguri”, deklaroi Osmani.