Ish-shefi i grupit parlamentar të AAK-së dhe kandidati për deputet, Daut Haradinaj, ka ftuar partitë tjera politike që të merren më shumë me popullin dhe sa më pak me sondazhe.
“Me aktivistët më të devotshëm të AAK-së bashkëbiseduam për rëndësinë e zgjedhjeve të 14 shkurtit. Energjia e madhe që e pashë te ta garanton sukses të pa diskutueshëm”, ka shkruar Haradinaj në Facebook.
“Duke qenë prezent në shumë takime e në shumë tubime në këto 10 ditë fushatë, me ç’rast takova mijëra njerëz, kam përshtypjen që këto zgjedhje do të jenë befasi për të gjithë ata që shpenzojnë mjete financiare për ta lajthitur opinionin. Shihemi më 14 shkurt! Me Forcën e Kosovës fituese”, shtoi ai./KosovaPress