Nënkryetari i Aleancës për Ardhmëninë e Kosovës Daut Haradinaj ka hequr dorë nga mandati i deputetit në legjislacionin e tetë të Kosovës, për shkak të angazhimeve partiake rreth përgatitjeve për zgjedhjet komunale në vjeshtë.
Ai në një postim në Facebook ka bërë të ditur se pas heqjes dorë si deputet i AAK-së, në vendin e tij do të jetë Shemsedin Dreshaj.
Postimi i plotë:
Të nderuar qytetarë të Republikës së Kosovës, votues të AAK-së!
Dëshiroj të ju falënderoj për besimin e dhënë tash e sa mandate, besim të cilin jam munduar ta kryej me nder duke qenë zëri juaj në Kuvend.
Tash ne rrethanat e reja që jemi, do heqë dorë nga ky mandat për t’i krijuar hapësirë Prof. dr. Shemsedin Dreshajt të jetë deputet, dhe për të pasur mundësi kohore që të jem më prezent nëpër komunat tona edhe për faktin se do të kemi zgjedhje në këtë vjeshtë. Po ma kërkon struktura angazhimin në terren dhe nuk dua ta bëj punën në terren në dëm të mandatit të popullit.
Kolegëve të mi ju dëshiroj suksese në këtë legjislaturë.
Do të jemi shumë më të konsoliduar dhe më të përgatitur këtë vjeshtë.
Fituesit të këtyre zgjedhjeve ju uroj suksese.
I juaji,
Daut Haradinaj/KosovaPress