Policia e Kosovës e ka konfirmuar arrestimin e bashkëshortit të njërës nga infermieret e arrestuara për rastin e rrahjes së një gruaje të moshuar në Shtëpinë e Pleqve ‘Orenda’ në Pejë, raporton Gazeta Sinjali.
Zëdhënësi i Policisë në Pejë, Fadil Gashi, tha se burri i infermieres është ende duke u intervistuar nën dyshimin për veprën penale “Kanosje” ndaj pronari të qendrës, teksa veprimet tjera do të merren në konsultim me prokurorin e shtetit.
Ndryshe, pamjet që u shpërndanë sot në rrjetet sociale kanë tronditur vendin. Aty shihet se si një nga punonjëset e sulmon gruan e moshuar, duke e goditur me shuplaka dhe shqelma.
“Pak jam tu ja hi, qysh di me sill unë.. pak jam tu ja hi”, dëgjohet duke thënë punonjësja derisa ushtronte dhunë ndaj të moshuarës.
Sinjali pak më parë publikoi rrëfimin e të dyshuarës kryesore të rastit, Aurona Pelajt, të dhënë në Polici, të cilin e gjeni në linkun e mëposhtëm./Sinjali