Rastet e dhunës në familje sa vijnë e shtohen në vendin tonë. Çdo ditë viktima, të cilat janë zakonisht gra, denoncojnë në Polici bashkëshortët e tyre, nga të cilët përjetojnë dhunë psikike e fizike, raporton Gazeta Sinjali.
E një rast i tillë ka ndodhur mbrëmë rreth orës 22:00 në Lagjen 28 të komunës së Fushë Kosovës, ku një grua ka denoncuar në Polici bashkëshortin e saj, për të cilin ka deklaruar se e ka rrahur.
Sinjali mëson se gjithçka kishte ndodhur pasi i dyshuari kishte shkuar në shtëpi në gjendje të dehur, ku më pas kishte filluar ta ofendojë e ta shajë bashkëshorten e tij.
Por ai nuk e la me kaq, pasi filloi ta sulmojë duke e gjuajtur me gurë, ku si pasojë i ka shkaktuar lëndime trupore bashkëshortes së tij, e cila ka përfunduar në spital për tretman mjekësor.
Me vendim të prokurorit, të dyshuarit i është caktuar masa e ndalimit në kohëzgjatje prej 48 orësh.