Dje dy deputetët e Vetëvendosjes, Sali Zyba dhe Haxhi Avdyli dhanë deklarata të ulëta, duke e krahasuar deputeten e Partisë Demokratike të Kosovës, Ganimete Musliun me presidentin serb, Aleksander Vuçiq, kryeministren Ana Bërnabiq dhe ministrin serb Aleksander Vulin.
E, këto deklarata të tyre nuk deshi t’i komentoj deputeti nga radhët e PDK-së.
Ai në një prononcim për Periskopin tha se këto deklarata nuk ja vlen as të komentohen dhe vijnë nga persona që nuk janë as politikan.
“Deklaratat e tyre janë papërgjegjshme dhe të nivelit të ulët, nuk ja vlen të komentohen, janë deputet euforik që nuk kanë të bëjnë me politiken, por i ka qitë situata e rrethanave të kaluara, nuk mund të them që janë politikan po janë deputet rasti”, tha Beqa.
Ai tutje tha se Ganimete Musliu është njëra ndër deputetet e cila ka kontribuar për vendin bashkë me familjen e saj.
“Deputetja Musliu është një person që ka karakter dhe kanë jap kontribut edhe si familje për lirinë e Kosvës, por edhe si deputete në vazhdimësi ka ide për me gjetë rrugë për me i ndihmu qytetarët me pasë një jetë më të mirë”, përfundoi ai./PERISKOPI/