Dy vdekjet e dyshimta që kanë ndodhur të martën në Spitalin e Përgjithshëm të Pejës nuk kanë të bëjnë me helmimin në Deçan, por si shkak i sulmit kardiak. Dyshimet se dy personat vdiqën si shkak i helmimit në Komunën e Deçanit i hodhi poshtë raporti i Institutit të Mjekësisë Ligjore (IML). Kështu ka bërë të ditur për KosovaPress, zëdhënësi i Prokurorisë Themelore të Pejës, Shkodran Nikçi. Nikçi: Dy personat në Spitalin e Pejës kanë vdekur nga sulmi kardiak, jo nga helmimi “Fillimisht ka pasur shqetësime të mëdha të qytetarëve që kanë kërkuar ndihmë në QKMF në Deçan ku njëri nga ta ka qenë edhe njëri nga viktimat që është ...

Paraditen e së martës në Viti u plagosën tre persona, ku njëri nga ta mbeti i vrarë. Për çka Prokuroria Themelore në Gjilan po kërkon paraburgim ndaj B.R i cili dyshohet se kreu këtë vrasje. “Prokuroria Themelore në Gjilan, Departamenti për Krime të Rënda ka kërkuar caktimin e masës së paraburgimit nga Gjykata Themelore në Gjilan, ndaj të pandehurit B.R., për shkak të dyshimit të bazuar se ka kryer veprat penale ‘’Vrasja e rëndë’’ dhe ‘’Mbajtja në pronësi, kontroll ose posedim të paautorizuar të armëve’’, të Kodit Penal të Republikës së Kosovës. Sipas kërkesës, ekziston dyshimi i bazuar se i pandehuri B.R., më 13 Korrik 2021, rreth orës 11h, me ...

Zëvendëskryeministri i parë Integrim Evropian, Zhvillim dhe Dialog, Besnik Bislimi, ka deklaruar se në takimin e javës së kaluar në Bruksel nuk janë hapur tema të reja, por është diskutuar vetëm për implementimin e marrëveshjeve të arritura më herët. Bislimi i ka kundërshtuar akuzat për mostransparencë, derisa tha se sot në Komisionin për Integrimeve Evropiane ka ardhur direkt nga Klinika ku kishte qenë për të marrë infuzione. Ai tha se në takimin e parë që ishte mbajtur në Bruksel, i kishin njoftuar se çka është diskutuar edhe të gjithë liderët e partive politike opozitare, e një gjë të tillë tha se do ta bëjnë edhe pas kthimin nga takimi që ...

90 persona që dyshohet se u helmuan në Deçan u trajtuan në Spitalin e Pejës, 62 nga ta fëmijë Që nga e shtuna 90 persona të cilët dyshohet që u helmuan nga uji në Komunën e Deçanit kanë marrë trajtim spitalor në Spitalin e Pejës. 62 nga ta kanë qenë fëmijë dhe 5 të tjerë po vazhdojnë të jenë të shtrirë në Repartin e Pediatrisë në këtë spital. Kështu ka bërë të ditur për KosovaPress, Zëdhënësi për informim në Spitalin e Përgjithshëm të Pejës, Naim Sahiti, derisa ka treguar edhe se dy personat që dyshohet se kanë vdekur nga helmimi kanë shkuar pa shenja jetë në këtë spital. Sahiti: 90 ...

Banorë të shumtë të fshatrave të Deçanit po vazhdojnë të kërkojnë trajtim mjekësor pranë Qendrës Kryesore të Mjekësisë Familjare në këtë komunë. Të njëjtit para mikrofonit të KosovaPress insistojnë se simptomat si vjellja, temperatura, dhimbja e kokës dhe i plogështi janë si pasojë e helmimit nga uji pavarësisht se IKSHPK hodhi poshtë se uji ka qenë i kontaminuar. Kimete Dervishaj nga fshati Gllogjan i Deçanit është njëra nga të prekurit nga helmimi. Ajo thotë se në ketë fshat numri i të helmuarve është i madh. Ajo është e bindur se shëndeti i saj u përkeqësua pas konsumimit të ujit. Dervishaj: Si e kam pirë gotën e ujit me janë shfaqur ...

Presidentja e Kosovës, Vjosa Osmani ka uruar Francën me rastin e Ditës Kombëtare të Francës-Dita e Bastisjes. Presidentja Osmani video-mesazhin për këtë ditë e ka adresuar në gjuhën frënge, ku ka theksuar se ndihet e lumtur për të arriturat dhe për miqësinë mes dy kombeve. Osmani ka thënë se është e lumtur që adresimin në ditën e kombit francez po e bën në gjuhën e tyre. “Jam shumë e lumtur që sot, në ditën e kombit tuaj, kam mundësi t’ju uroj në gjuhën e këtij kombi të madh, për ditën tuaj nacionale. Kombi juaj, ndër më të hershmit në Evropë i ka dhënë shumë qytetërimit perëndimor. Përpjekja juaj i dha ...

Pacientët dhe familjarët e tyre, çdo ditë po ballafaqohen me korrupsion. Të njëjtit detyrohen të paguajnë nga xhepi për të pakta shërbime që marrin, ndërkohë që atyre po u shkelet edhe e drejta për konfidencialitet. Para anëtarëve të Komisionit për Shëndetësi janë përmendur të gjitha të metat e sistemit shëndetësorë, ku një qytetar ka treguar edhe për përvojën jo të mirë që ka pasur. I njëjti ka thënë se pacientëve nuk iu garantohen të drejta të barabarta në ofrimin e shërbimeve shëndetësore. Bashkim Isari i cili ka përvojë të gjatë në fushën e të drejtave të njeriut ka treguar për përvojën e tij me një anëtar të familjes i cili ...

Pranë Qeverisë së Kosovës, Partia Socialdemokrate (PSD) të mërkurën ka lëshuar në ajër fenerët me mbishkrimet e premtimeve të Kryeministrit të Kosovës, Albin Kurti që i bëri gjatë fushatës. Sipas PSD-së, ngjashëm sikurse balonat premtimet e Kurtit i mori era. “Dialogu i hapur dhe demokratik”, “Refuzimi i Asociacionit”, “Dëmet e Luftës”, Dialogu me serbët lokal”, “Kërkim falja”, janë disa nga premtimet që numëroi PSD. Sekretarja e PSD-së, Teuta Rrusta pas këtij aktiviteti tha se vetëm ndërrimi i toni, gjuhës dhe terminologjisë e dallon Qeverinë Kurti me qeverisjet e kaluara. Rrusta: Ndërrimi i gjuhës dhe i tonit e dallon Qeverinë Kurti me të kaluarën “Qysh e dini negociatat kanë fillu, kanë ...

Përkundër rritjes së granteve dhe subvencioneve në dhjetë vjetët e fundit për të gjitha kulturat bujqësore, nuk është rritur prodhimi dhe sipërfaqet e mbjella. Në dy raporte të ndara, Instituti për Studime të Avancuara GAP ka analizuar se si kanë ndikuar grantet dhe subvencionet në prodhimin bujqësor, megjithëse këto dy hulumtime tregojnë se përkundër programeve dhe shumave që ndahen me rreth 48 milionë euro çdo vit për grante dhe subvencione, nuk janë arritur rezultatet e pritura. Gjatë prezantimit të raportit “Ndikimi i subvencioneve dhe granteve në prodhimin bujqësor”, Jeton Mehmeti nga Instituti GAP theksoi se duke iu referuar edhe raporteve të auditorit, disa bizneset që nuk kanë qenë në sektorin ...

Kampionati Evropian i futbollit Euro 2020 përfundoi para pak ditësh me Italiën që u shpall kampion pasi e mposhti Anglinë pas ekzekutimit të penalltive. Ky turne dhuroi emocione të shumta, spektakël, befasi por nuk munguan as rastet trishtuese siç ishte ai me mesfushorin e Danimarkës Christian Eriksen i cili pësoi arrest kardiak dhe mbeti pa ndjenja në fushë gjatë lojës kundër Finlandës, përcjellë KosovaPress. Por, në Euro 2020 nuk munguan as golat spektakolar duke filluar nga ai i Xherdan Shaqirit, Lewandowskit, De Bruyne e Insignes. Më poshtë mund t’i ndiqni 10 golat më të bukur nga Euro 2020./KP ...