Në muajt në vijim do të hapet konkursi për Bordin e rregullt të Korporatën Elektroenergjetike të Kosovës (KEK). Kështu u bë e ditur gjatë vizitës që sot zhvilloi në këtë ndërmarrje publike kryeministri i Kosovës, Albin Kurti i shoqëruar nga ministrja e Ekonomisë, Artane Rizvanolli. Me këtë rast Kurti, KEK-un e ka quajtur ndërmarrje fitimprurëse dhe ofroi mbështetje për zhvillimin tutje të kësaj korporate.   Kurti së bashku me ministren Rizvanolli fillimisht vizituan Termocentralin “Kosova A”, duke vazhduar më pas në Divizionin e Prodhimit të Thëngjillit si dhe “Kosovën B”. Ai tha se si Qeveri kanë vënë theksin në dy aspekte kryesore, e para Bordi me integritet dhe mbikëqyrje të ...

Mungesa e materialit për prodhimin e letërnjoftimeve po u krijon qytetarëve pritje me muaj për t’u pajisur me mjetet identifikuese. Si shkak i mungesës së materialit, Ministria e Punëve të Brendshme ka marrë vendim që të gjithë shtetasve të Kosovës, pavarësisht afatit të skadimit të letërnjoftimit, dokumenti identifikues t’iu konsiderohet i vlefshëm edhe për gjashtë muaj. Pavarësisht kësaj, qytetarët kanë ankesa të shumta për kohën e gjatë që duhet të presin për t’u pajisur me letërnjoftim. Ka nga ata që dokumenti identifikues u nevojitet për udhëtim, e që kjo po pamundëson një gjë të tillë. Qytetari Rafet Makolli, i cili ka aplikuar për letërnjoftim, thotë për KosovaPress se përkundër mungesës ...

Kryeministri Albin Kurti është deklaruar rreth çështjes së strehimit në Kosovë të refugjatëve nga Afganistani. Kurti ka thënë se përveç aspektit të solidaritetit, strehimi i tyre është edhe dimension i aleancës dhe partneritetit me Shtetet e Bashkuara të Amerikës. Shefi i ekzekutivit ka thënë se Shtetet e Bashkuara janë aleati kryesor e partneri strategjik i pazëvendësueshëm për Kosovën. Kurti: Çështja e strehimit të refugjatëve nga Afganistani është dimension i aleancës me Shtetet e Bashkuara të Amerikës “Ne i kemi Shtetet e Bashkuara të Amerikës aleatin kryesor dhe partnerin strategjik të pazëvendësueshëm dhe çështja e strehimit të refugjatëve nga Afganistani përveç aspektit të solidaritetit humanist nga ana jonë e ka gjithashtu ...

Fluturimet ushtarake që evakuojnë diplomatët dhe civilët kanë rifilluar në aeroportin ndërkombëtar të Kabulit – vetëm një ditë pas skenave kaotike në këtë aeroport. Të hënën, dhjetëra mijëra afganë u fotografuan duke u përpjekur të iknin, duke u kapur dëshpërimisht pas aeroplanëve që fluturonin. Pesë persona thuhet se u vranë, megjithëse është e paqartë nëse ata u qëlluan ose u shtypën nga turma gjatë rrëmujës. Sot, megjithatë, zyrtarët thonë se është një skenë shumë më e qetë. “Shumë njerëz që ishin këtu dje kanë shkuar në shtëpi”, tha një zyrtar i huaj i sigurisë për Reuters. Sidoqoftë, Reuters citon dëshmitarë që thonë se të shtëna të herëpashershme ende mund të ...

Sot mbushen 23 vjet nga vrasja e dëshmorit të UÇK-së, Cen Dugolli. Dugolli ishte njëri ndër veprimtarët e parë të rezistencës, i cili u vra më 17 gusht 1998 nga forcat serbe në burg. Ai vdiq nga torturat e shumta që i bënë policët serbë, por asnjëherë nuk u dorëzua dhe nuk tregoi për veprimet çlirimtare që përgatisnin shokët në ilegalitet. Bashkëshortja dhe fëmijët e tij për disa vite me radhë jetojnë në Francë./KP ...

Sot mbushen 23 vjet nga rënia heroike e dëshmorit gjeneral Skënder Haxhi Çekut. Skënder Çeku u lind më 1 janar 1955 në Qyshk të Pejës. Ai në vitin 1996 shpërngulet nga Zvicra dhe vendoset në Tiranë. Banesa e tij u bë bazë e fuqishme armatimi e Ushtrisë Çlirimtare të Kosovës. Gjatë kësaj kohe, kontakton shumë shokë të veprimtarisë, të cilët më vonë edhe do të bien dëshmorë, si Ilir Konushevci, Fehmi e Xhevë Lladrovci. Pas shpërthimit të luftës në Kosovë, Skënderi u autorizua të angazhohet në sferën e logjistikës së armatimit dhe ngritjen e bazave të UÇK-së në zonat e kufirit Kosovë-Shqipëri. Ai në fillim të verës së vitit 1998 ...

Instituti Hidrometeorologjik i Kosovës paralajmëron se prej ditës së sotme (e martë) përpos vlerave të larta termike parashikohet që vende–vende të ketë riga shiu të cilat parashihen të përsëriten edhe ditën e mërkurë. Temperaturat nga e mërkura parashihen të shënojnë rënie në të dy vlerat ekstreme. Temperaturat minimale gjatë së martës parashihen të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 34-35 gradë celsius. Indeksi UV vazhdon t’i mbanë vlerat e rrezikut, prandaj këshillohet të kufizohemi nga rrezet direkte të diellit nga ora 10:00-17:00, ose të përdorim masat mbrojtëse. Do të fryjë erë kryesisht nga verilindja e lehtë dhe lokalisht e fortë./KP ...

Më shumë se 1.5 milion ndjekës e përcjellin Era Istrefin në profilin e saj në Instagram, ku shpërndan imazhe të ndryshme nga karriera dhe jeta personale. Autorja e shumë hiteve është e njohur për atraktivitetin e saj edhe jashtë muzikës, prandaj fansat i presin me kërshëri fotografitë që i publikon. Gjatë të hënës, Era ka sjellë disa fotografi në profilin e saj në këtë rrjet social, në të cilat shfaqet magjepsëse. E veshur me xhinse dhe me një bluzë të shkurtër, biondja ka shfaqur bukurinë e saj në pozat e reja. Disa minuta pas publikimit të fotografive, ato janë pëlqyer nga dhjetëra mijëra fansa të këngëtares. /Telegrafi/ ...

Qeveria e Kosovës në mbledhjen e sotme ka miratuar vendimin për ofrimin e mbrojtjes së përkohshme dhe të menjëhershme nga Republika e Kosovës, për qytetarët afganë, të cilët kanë qenë bashkëpunëtorë të qeverisë amerikane në Afganistan si dhe për familjarët e tyre. Lajmi është bërë i ditur në Facebook nga ministri i Punëve të Brendshme Xhelal Sveçla, sipas të cilit ky vendim është një përpjekje e Kosovës të ofrojë ndihmën e saj duke respektuar parimet e së drejtës ndërkombëtare për ofrim të ndihmës kategorisë së personave të cilët gjenden apo mund të gjenden në rrezik, u janë shkelur të drejtat themelore për arsye të luftës dhe konfliktit në Afganistan. “Ky ...

Kryetari aktual i Kamenicës Qëndron Kastrati ka shpallur sot edhe zyrtarisht kandidaturën e tij edhe për një mandat katërvjeçar në krye të komunës. Lajmi është bërë i ditur nga vetë Kastrati përmes një postimi në Facebook, ku ka dhënë detaje edhe rreth listës me kandidatë për këshilltarë komunalë nga radhët e PSD-së që do të garojnë në zgjedhjet e 17 tetorit. Ai ka thënë se është një listë gjithëpërfshirëse me kandidatë nga zona të ndryshme të komunës e nga kategori të ndryshme shoqërore. “Radha e kandidatëve është përcaktuar me short, sepse janë projektet të cilat do t’i prezantojmë që kanë radhitje sipas rëndësisë e që të gjithë ne do të ...