Ministria e Shëndetësisë thotë se rastet e COVID-19 vazhdojnë të jenë në trend të njejtë. MSH thekson se teksa përballemi me variantin shumë ngjitës Delta të SARS-COV 2 (Covid-19), situata epidemiologjike në Kosovë mbetet e pasigurtë.   “Mesatarja aktuale 7-ditore e rasteve të reja është 15,42 raste/ditë, që është e njejtë me periudhën e mëparshme 7-ditore”, thuhet në postimin e MSH-së. Tutje, MSH thekson se vaksinimi është mënyra më e mirë për të ndihmuar në parandalimin e COVID-19, veçanërisht formave të rënda të sëmundjes dhe vdekjes. “TË GJITHË duhet të vazhdojmë të zbatojmë masat parandaluese kundër COVID-19 dhe rekomandimet e profesionistëve shëndetësor”, përfundon njoftimi i tyre. ...

Avokati i Kadri Veselit, Ben Emmerson ka thënë se gjykimi ndaj krerëve të UÇK-së nuk pritet të nis më përpara se fundi i vitit 2022.   Ai tha se bazuar në numrin e dëshmitarëve në këtë rast, mbrojtja ka nevojë për një vit kohë për të zhvilluar hetimet.   “Nuk mendoj dhe është absolutisht  e pamundur që gjykimi të fillojë para fundvitit të vitit 2022. Bëhet fjalë për gati 300 dëshmitarë. Është i qartë se procesi i hetimit kërkon kohë prej një vit për mbrojtjen”, ka thënë ai.   Në Gjykatën Speciale ka filluar konferenca për ecurinë e çështjes për ish-krerët e UÇK-së Hashim Thaçi, Jakup Krasniqi, Kadri Veseli dhe ...

  ℹ Në 24 orët e fundit janë dhënë 10.381 doza të vaksinës kundër COVID-19. ℹ Prej fillimit të vaksinimit në të gjitha qytetet e Kosovës janë dhënë 1.542.975 doza të vaksinës. ℹ Deri më sot 707.296 qytetarë janë vaksinuar me dozën e dytë. ℹ Nga 2.072 testime, 20 qytetarë kanë rezultuar pozitiv me virusin COVID-19. ℹ Gjatë 24 orëve të fundit, nuk është shënuar asnjë rast i vdekjes ℹ Sot janë shëruar 31 qytetarë, derisa numri i përgjithshëm i të shëruarve është 157.256. ℹ Në total numri i rasteve aktive është 427.           ...

Autoriteti Kosovar i Konkurrencës (AKK), ka sqaruar se nuk kanë mandat që të rregullojnë çmimet e ndonjë produkti ose shërbimi. Sqarimi erdhi se kohët e fundit në AKK janë adresuar ankesa lidhur me ngritjen e çmimeve të produkteve.   Megjithatë, pas rrethanave të krijuara me çmimet e disa produkteve, AKK thotë se ka intensifikuar monitorimin e tregjeve për t’u siguruar që ndërmarrjet nuk janë duke e shkelur Ligjin për Mbrojtjen e Konkurrencës përmes praktikave të përmendura sipër AKK ka risqaruar rolin e saj. “Kohëve të fundit, në Autoritetin Kosovar të Konkurrencës (AKK) janë adresuar ankesa lidhur me ngritjen e çmimit të disa produkteve në tregun e Kosovës. Për këtë arsye, ...

Përdorimi i substancave narkotike te të rinjtë vazhdon të mbetet dukuri shqetësuese. Kështu tha për Radio Kosovën drejtori i Qendrës Mediko-psikoterapeutike “Labirinti”, Safet Blakaj. Sipas tij, përveç përdorimit të marihuanës nga të rinjtë, është evidente edhe shtimi i përdoruesve të kokainës. Përdorimi i substancave narkotike te të rinjtë në vendin tonë, vazhdon të mbetet dukuri shqetësuese. Mosha mesatare e atyre që përdorin droga në Kosovë ka rënë në 16 vjeç. Ajo që vlen të ceket është se drogat që përdoren më së shumti dy vitet e fundit, janë marihuana, por edhe është shënuar rritje e shpejtë e përdoruesve të llojit kokainë. Kështu thotë Safet Blakaj, drejtor i Qendrës Mediko-psikoterapeutike “Labirint”, ...

Në përmbyllje të muajit të ndërgjegjësimit për parandalimin e kancerit të gjirit, Kryeministri i Republikës së Kosovës, Albin Kurti, priti në takim avokueset e veprimtarisë së Qendrës Kosovare për Luftimin e Kancerit të Gjirit “Jeta-Vita”.   Në takimin e përbashkët me themeluesen e Qendrës “Jeta Vita”, znj. Nafije Latifi, ushtruesen e detyrës të Ministres së Shëndetësisë, znj. Dafina Gexha, kryetaren e Komisionit Parlamentar për Shëndetësi, znj. Fatmire Mulhaxha Kollçaku, kryetaren e Grupit të Grave Deputete znj. Tinka Kurti si dhe dekanen e Fakultetit të Filologjisë- avokuese për këtë kauzë, znj. Lindita Rugova, u bisedua për rëndësinë e avokimit dhe bashkëpunimit për këtë kauzë të përbashkët. U theksua rëndësia që nismat ...

Kryetari i Aleancës për Ardhmërinë e Kosovës, Ramush Haradinaj, ka mbështetur nismën e Vasfije Krasniqit për viktimat e dhunës seksuale gjatë luftës.   Përmes një postimi në Facebook, Haradinaj tha se duhet të kërkohet drejtësi për viktimat e dhunës seksuale gjatë luftës. “Duhet të vendoset drejtësi për viktimat e dhunës seksuale gjatë luftës. Përkrahje për viktimat dhe mbështetje për organizatorët dhe pjesëmarrësit e tubimit #RallyForHerJustice”, ka shkruar kreu i AAK-së. ...

Dukagjin Pupovci ka mbajtur konferencën e rregullt për medie.   Pupovci tha se nga 25 tetori të gjitha institucionet arsimore kanë filluar punën me rregull, për çka ka bërë thirrje që të vazhdojnë të respektojnë masat anti-Covid. “Nga data 25 tetor të gjitha institucionet edukative arsimore dhe ato të arsimit të lartë kanë filluar me punë të rregullt dhe orar të rregullt”. “Në 96% është zhvilluar procesi në rregull, për dallim të disave që  kanë nisur me pak vonesë. Me gjithë faktin se masat janë relaksuar shfrytëzoj rastin që të gjithë mësimdhënësit, nxënësit dhe personelin arsimor të vazhdojnë me respektimin e masave”. Tutje Pupovci tha çështje tjetër e rëndësishme është ...

Kryetari i Aleancës Kosovare të Bizneseve (AKB), Agim Shahini në një prononcim për Ekonomia ka thënë se duhet të vlerësohet pozitivisht ndarja e 100 eurove shtesë nga Qeveria e Kosovës për pensionistët dhe familjet në asistencë sociale.   Por sipas tij, nëse ky vendim i Qeverisë është bërë vetëm për fushatë, lirisht mund të konsiderohet që është keqpërdorim i taksa paguesve kosovar. Shahini madje thotë se nëse nuk është e vazhdueshme rritja do të ketë ndikime negative e zhgënjim të qytetarëve. “Duhet të vlerësohet pozitivisht ndarja e 100 eurove nga Qeveria. Por duhet të kuptohet se kjo duhet të vazhdojë në nivel mujor kjo rritje dhe jo të jepet vetëm ...

Zëvendësuesi i Drejtorit të Përgjithshëm të Shërbimit Korrektues të Kosovës, Ali Gashi, priti në takim Atashenë e ICITAP-it të Ambasadës Amerikane në Kosovë, Kimberly Riffe dhe këshilltaren e programit për Sherbimin Korrektues, Pamela Wallace, me të cilat diskutuan lidhur me vazhdimin e bashkëpunimit mes SHKK-së dhe ICITAP-it.   Zëvendësuesi i Drejtorit të Përgjithshëm të SHKK-së, Gashi, e njoftoi Atashejen, Riffe, për punën, sfidat dhe të arriturat e SHKK-së, e falënderoi për mbështetjen e vazhdueshme që Qeveria Amerikane po i jep Shërbimit Korrektues të Kosovës përmes ICITAP. Gjatë takimit, znj. Riffe, tha se ICITAP do të vazhdoi ta mbështes fuqishëm zhvillimin e SHKK-së në të gjitha fushat, sidomos në ngritjen e kapaciteteve ...