Policia e Kosovës ka identifikuar shoferët që u xhiruan duke bërë gala ilegale. Përmes një njoftimi për media, ku policia e ka publikuar edhe videon, ka njoftuar se shoferët janë gjobitur me nga 400 euro. Veç kësaj, ata janë ndëshkuar edhe me nga katër pikë negative dhe për 10 muaj iu është ndaluar drejtimi i automjetit. “Njësia për Kontroll të Autostradave në kuadër të planit “Parandalimi i garave ilegale të shpejtësisë në autostrada” ka identifikuar shoferët duke bërë gara ilegale të shpejtësisë, të njëjtit janë gjobitur me nga 400 €, 4 pikë negative dhe nga 10 muaj iu është ndaluar drejtimi i mjetit me veprim motorik.” – thuhet në njoftimin ...

Presidentja e Kosovës, Vjosa Osmani ka pritur sot në takim ministrin për Punët e Jashtme, Evropë dhe për Tregtinë të Maltës, njëherësh kryesues aktual i OSBE-së, Ian Borg. Në takim, Osmani dhe Borg kanë diskutuar për bashkëpunimin e institucioneve të Republikës së Kosovës me OSBE-në, përfshirë mbështetjen e OSBE-së në të kaluarën dhe bashkëpunimin aktual me institucionet vendore. Presidentja Osmani u informua mbi prioritetet e ministrit Borg dhe Maltës si kryesues i sivjetëm i OSBE-së. Në takim është diskutuar edhe për raportet bilaterale midis Kosovës dhe Maltës, anëtarësimin e Kosovës në Këshillin e Evropës, si dhe për zhvillimet e fundit politike në rajon. Në diskutim me ministrin Borg, presidentja ka ...

Ministri i Financave Hekuran Murati ka njoftuar se është bërë bartja e të hyrave vetanake të komunave, në vlerë prej 60 milionë euro. Murati tha se bartja në këtë formë është bërë për të hyrat vetanake që kanë qenë të alokuara, kurse për pjesën e pa-alokuar, bartja sipas ministrit bëhet me vendime të kuvendeve komunale përkatëse. “Në pajtim me Nenin 9.6 të Ligjit të Buxhetit, sot kam miratuar bartjen e të hyrave vetanake të komunave në vlerë prej 60 milionë eurove.  Bartja në këtë formë bëhet për të hyrat vetanake që kanë qenë të alokuara, kurse për pjesën e pa-alokuar, bartja bëhet me vendime të kuvendeve komunale përkatëse”, ka njoftuar ...

Gazetarja e Euronews, Alice Taylor, që mbulon rajonin, thotë se Bashkimi Europian ka sulmuar sovranitetin e Kosovës me mbështetjen për heqjen e vizave të serbëve të Kosovës që mbajnë pasaporta të lëshuara ilegalisht nga Serbia. Ajo i reagoi Komisionerit për Zgjerim të BE-së, Oliver Varhelyi, i cili e quajti lajm të mirë që propozimi i tyre gjeti mbështetje në Parlamentin Europian. “Nuk ka diçka të tillë si pasaporta e serbëve të Kosovës, vetëm pasaporta të lëshuara ilegalisht nga Serbia për serbët e Kosovës që refuzojnë të marrin pasaportën e Kosovës. Ky është një sulm i drejtpërdrejtë ndaj sovranitetit të Kosovës dhe BE-ja ia ka huq masivisht këtu”, ka shkruar Taylor. ...

Po mbahet seanca gjyqësore për 18-vjeçarin, Lulzim Fejzullahu i cili u rrah për vdekje nga dy të mitur më 14 janar. Por ka kaluar në senacë të mbyllur procesi gjyqësor i rastit të vrasjes së 18-vjeçarit, raporton Ekonomia Online. Më 1 prill, Prokuroria Themelore në Prishtinë ka ngritur aktakuzë ndaj dy të dyshuarve për vrasjen e Fejzullahut.Dy të dyshuarve u është ngarkuar vepra penale “Vrasje e Rëndë” në aktakuzë. Nga Prokuroria Themelore në Prishtinë e kishin konfirmuar se më 25 mars është paraqitur propozim për shqiptimin e dënimit me burgim për të miturit për shkak të veprës penale “Vrasja e rëndë”. “Prokuroria Themelore në Prishtinë, më 25.03.2024, ka paraqitur Propozim ...

Nënkryetarja e PDK-së, Vlora Çitaku i ka quajtur të turpshme, të mjera dhe të rrezikshme interferimet e Qeverisë së Kosovës në zgjedhjet presidenciale dhe parlamentare në Maqedoninë e Veriut. Çitaku shkroi se “shqiptarët në Maqedoninë Veriore i kanë dalë hakut Kosovës”, duke përmendur se ata kishin pritur emigrantë shqiptarë e disa kishin ardhur në Kosovë për të luftuar e kishin dhënë jetën për lirinë e vendit. Çitaku shkroi se kryeministri i Kosovës, Albin Kurti “ka një mosdurim për secilin lider politik të UÇK-së”, duke iu referuar mbështetjes së tij për koalicionin opozitar shqiptar në Maqedoninë e Veriut, dhe kundërshtimin për koalicionin tjetër të udhëhequr nga partia më e madhe e ...

Ish-presidenti i Sllovenisë, Borut Pahor, ka konfirmuar për agjencinë sllovene të lajmeve STA se është i interesuar për pozicionin e të dërguarit të posaçëm të BE-së për dialogun ndërmjet Kosovës dhe Serbisë, në të cilin ai do të pasonte Miroslav Lajçakun, mandati i të cilit përfundon në gusht. Gazeta sllovene “Delo” raportoi dje se ish-presidenti i Sllovenisë mund të jetë i dërguari i ri i BE-së për dialogun Kosovë-Serbi, dhe Borut Pahor e konfirmoi këtë sot. Ai i tha agjencisë STA se është i interesuar të zëvendësojë Lajçakun. Paraprakisht, kryeministri i Sllovenisë, Robert Golob, ka deklaruar se e mbështet pa kushte Pahorin në kandidaturën e tij për postin e Përfaqësuesit ...

Policia e Kosovës njofton se një qytetar ka dorëzuar në stacionin policor në Mitrovicë shtatë kartëmonedha 200-euroshe, që dyshohen si të falsifikuara. Sipas njoftimit të policisë, ankuesi ka thënë se këto para i ka tërhequr nga një institucion mikrofinanciar në Suedi. Kartëmonedhat janë sekuestruar për ekzaminime të mëtutjeshme e rasti po hetohet, ka njoftuar Policia në raportin 24-orësh të mërkurën. “Rr. Marije Shllaku, Mitrovicë 06.04.2024 – 08:30. Ankuesi mashkull kosovar ka dorëzuar në stacionin policor 7-kartëmonedha nga 200 € të cilat sipas verifikimit të cilin ai e kishte kryer në një bankë, kishin rezultuar se janë të dyshuara si të falsifikuara. Ankuesi këto kartëmonedha i kishte marrë (tërhequr) nga një ...

Ismael Haniyeh ka konfirmuar se Izraeli ia ka vrarë tre djemë dhe po aq nipa. Lideri politik i grupit palestinez, Hamas, tha se bëhet fjalë për djemtë Hazemin, Amirin dhe Mohammadin. Ata raportohet se u vranë nga aeroplanët luftarakë izraelitë kur një “veturë civile” u vu në shënjestër në ditën e parë të Fitër Bajramit. Disa nga fëmijët dhe nipërit e tij ishin duke hipur në automjet, raporton aljazeera. “Ne dënojmë fuqishëm sulmet e vazhdueshme të Izraelit kundër popullit tonë palestinez”, njoftoi grupi, duke shtuar se të paktën 125 trupa të palestinezëve të vrarë arritën në spitale të ndryshme vetëm në 24 orët e fundit. “Ne e mbajmë përgjegjës administratën amerikane, ...

Derisa Veriu vazhdon të mos gjejë qetësinë, gazetarët e Telegrafit britanik vizitojnë komunat veriore Kosovës. Në një artikull të publikuar enkas për veriun e vendit, thuhet se siguria u rrit ndërsa frika rritet se presidenti i Serbisë Aleksander Vuçiq po planifikon një pushtim të ndihmuar nga aleati i tij Vladimir Putin. Ndërsa nacionalistët i bëjnë thirrje Vuçiqit që të veprojë për të “mbrojtur” serbët që janë të detyruar të jetojnë “nën sundimin e Kosovës”. Siç shkruan Telegrafi britanik, para se policia e Kosovës të fillojë patrullimin në kufirin me Serbinë, i ngarkon armët: AK-47 janë ngjitur në pjesën e pasme të sediljeve, pistoletat anash këmbëve, derisa bagazhi i një Land Rover ...