Tash e gati një çerek shekulli, ura mbi lumin Ibër ndan në dy pjesë Mitrovicën – jugun me shumicë shqiptare dhe veriun me shumicë serbe. Mbi urë, prej vitesh, nuk mund të kalojnë mjetet motorike, pos këmbësorëve. Së voni, disa zyrtarë lokalë dolën me një nismë për rihapjen e plotë të urës, e cila u prit me reagime të ndryshme. Por, si erdhi deri te bllokimi i saj? Barrikadat e para në këtë urë janë vënë në vitin 2011 nga ana e serbëve lokalë. Qëllimi ka qenë t’i kundërvihen shtrirjes së autoritetit të Prishtinës në veri. Në vitin 2014, ato barrikada janë zëvendësuar me gardhe betoni e me pemë, të ...

Të tjera detaje dalin në dritë nga ngjarja rrëqethëse në Itali, ku një 45-vjeçar shqiptar i identifikuar si Taulant Malaj, 45 vjeç, vrau një shtetas italian dhe të bijën 16-vjeçare, pasi kjo e fundit ndërhyri për të mbrojtur të ëmën. Autori i vrasjes pasi kreu krimin e dyfishtë, ka filmuar ngjarjen makabre dhe pamjet së bashku me një rrëfim ua ka dërguar disa personave me mesazh në Whatsapp. Ne videon me pamjet e rënda, Malaj dëgjohet të thotë: “E shikoni këtë këtu, ky është italiani. Gruaja ime shk**dhehej gjithë ditën, kur unë punoja. Ja fala njëherë, ky është i dyti. E shikoni, e kam therur vetë. Vetë e kam therur. ...

Ministri i Mbrojtjes, Armend Mehaj, gjatë ditës së sotme ka bërë të ditur që ushtria e Kosovës do t’i bëjë ushtrimet Defender Europe 23, të cilat do të jenë një tjetër test për kapacitetet ushtarake të Kosovës, raporton Gazeta Sinjali. Mehaj tha se këto përgatitje janë duke vazhduar me intensitet të shtuar dhe se ky ushtrim do të jetë një test i radhës për ushtrinë e Kosovës, në të cilin do të përgatiten kapacitetet luftarake. Gjithashtu, ai theksoi synimin e Ushtrisë së Kosovës për t’u bërë pjesë e NATO-s. “Përgëzoj shtabin, partnerët tanë dhe të gjithë ata që janë duke u angazhuar maksimalisht që ky ushtrim të jetë në nivelin ...

Në rrjete sociale janë publikuar pamje të Luiz Ejllit, fituesit të Big Brother Albania VIP II, që ka shkuar mëngjësin e sotëm në vendlindjen e tij, Shkodrën. Luizi, që llogaritet si personi më me influencë për momentin, nuk është lënë që nga mbrëmë të lëvizë nga fansat, të cilët donin fotografi me të. Ai sot ka shkuar në Shkodër me një veturë të tipit “Range Rover”. Me një kapelë të vendosur, në një video, Luizi dëgjohet t’i thotë dikujt “pashë Zotin veç mos bërtit”. /GazetaSinjali/ ...

Gazeta Sinjali raportoi pak më parë për një rrahje masive që ka ndodhur sot pasmesnate në rrugën “Ekrem Rexha” në Prizren. Në rrahje janë të përfshira dy grupe prej rreth 15 personave, ku dyshohet se janë përdorur edhe armë zjarri. Nga kjo rrahje kanë mbetur të lënduar katër persona, njëri prej tyre është i plagosur me armë zjarri i cili është dëguar për trajtim në QKUK. Ndërsa, nëntë persona janë arrestuar. Rastin për Sinjalin e ka konfirmuar zëdhënësi i Policisë për Rajonin e Prizrenit, Vesel Gashi. Siç deklaron Gashi, shkaqet që kanë çuar deri në rrahje janë “për shkak se njëri nga të dyshuarit është i përfshirë në një rast ...

Djali i ish-presidentit Thaçi, Endriti, në një paraqitje të tij ka bërë thirrje që të voton për Erion Velijaj për kryetar të bashkisë së Tiranës. Sipas tij, Tirana është sot qytet më i bukur falë Erionit. “Është mik i mirë i babit dhe i gjithë Kosovës”, thotë Endriti për Veliajn. Videon e tij a ka ndarë Erioni, teksa ka shkruar: “Të jam mirënjohës për fjalët inkurajuese, @endritthaci. E vlerësoj shumë mbështetjen tënde!”. /GazetaSinjali/ ...

Avokatët e Hysni Gucatit e Nasim Haradinajt i janë drejtuar me ankesë Gjykatës Supreme në Hagë. Kjo për të kundërshtuar dënimin e dy udhëheqësve të OVL-UÇK-së. Gjykata e Apelit ua kishte ulur nga tre muaj Gucatit e Haradinajt. Nga katër vjet e gjysmë sa e kishin, ata u dënuan nga kjo shkallë me katër vjet e tre muaj. Dhomat e Specializuara të Hagës e kanë caktuar panelin e Gjykatës Supreme që do ta trajtojë këtë ankesë. Kryetare e këtij paneli është caktuar e para e Gjykatës Speciale, Ekaterina Trendafilova. Pastaj gjyqtarja Christine van den Wygnaert dhe Daniel Fransen. Të tre gjyqtarët do të shqyrtojnë argumentet e mbrojtjes së Gucatit e ...

Fotografitë me revole në duar të kreut të spitalit psikiatrik të qytetit serb Leskovc, Goran Tojaga të publikuara në rrjetet sociale po bëjnë bujë në Serbi. Ministrja e Shëndetësisë, Danica Grujiçiq, ka urdhëruar drejtorin e Spitalit të Përgjithshëm të Leskovcit të marrë masa urgjente për shkak të fotove ku shihet mjeku dhe shefi i repartit të Psikiatrisë. “Do të zhvillojë një bisedë me mjekun të hënën. Është e vërtetë që ministrja Grujiçiq më thirri para disa orësh. Të hënën do të vendosim se çfarë të bëjmë dhe si të vazhdojmë”, tha drejtori i Spitalit të Përgjithshëm të Leskovcit, Nebojsha Dimitrijeviq. Dimitrijeviq theksoi se Tojaga “është një nga specialistët më të mirë në ...

Drejtori i Agjencisë për Menaxhimin e Komplekseve Memoriale, Bislim Zogaj, ka thënë shumë shpejt pritet që të shpallet konkursi ndërkombëtar për renovimin e Kompleksit Memorial të Jasharajve në Prekaz. Projekt ky që sipas tij, i tejkalon përmasat e një projekti që deri më tani është realizuar në Kosovë dhe i cili pritet që të fillojë në vjeshtë të këtij viti. Zogaj, tha se ky është një projekt  madhështor, që sipas tij, pas përfundimit do të arsyetohen vonesat e deri tanishme. “Është caktuar një komision i eksperteve dhe komisioni ka bërë detyrën projektuese dhe detyra projektuese është votuar nga komiteti ndërministror në fund të shtatorit, pastaj kanë filluar disa proceduar për hapjen e konkursit për aplikim ...

Dhuna në familje vazhdon të mbetet një nga damkat më të mëdha të shoqërisë kosovare. Çdo ditë në Polici raportohen raste të grave që përjetojnë dhunë  në forma të ndryshme nga personat të cilët i kanë zgjedhur të ndajnë jetën me ta, por edhe nga anëtarët tjerë të familjes, raporton Gazeta Sinjali. Ndihmën e Policisë e ka kërkuar edhe një grua nga Suhareka, e cila e ka raportuar burrin me të cilin bashkëjeton, për shkak të kërcënimeve ndaj saj Burimet nga Prokuroria kanë bërë me dije për Sinjalin se i dyshuari, i cili ka tre fëmijë nga bashkëjetesa me viktimën, e ka kanosur me thikë viktimën, duke i shkaktuar frikë ...