“Kosova dhe Maqedonia e Veriut gëzojnë marrëdhënie të shkëlqyera fqinjësore dhe ndajnë një angazhim të fortë për integrimin euroatlantik. Mezi pres të punoj me presidenten e zgjedhur për të arritur këtë qëllim të përbashkët dhe për të thelluar më tej marrëdhëniet Kosovë-Maqedoni e Veriut”. Ky është urimi i shkurtër i Presidentes së Kosovës, Vjosa Osmani, që mban datën 9 maj 2024, për presidenten e re të Maqedonisë së Veriut, Gordana Siljanovska-Davkova, e cila fitoi bindshëm në raundin e dytë të zgjedhjeve presidenciale, që u mbajtën më 8 maj. Mesazhi i urimit të Osmanit për Siljanovskën do të ishte krejtësisht i zakonshëm nëse edhe Gordana Siljanovska-Davkova do të ishte një politikane ...

Përveç shteteve të QUINT-it, Kosovës po i kërkohet edhe nga shtete të tjera të Bashkimit Evropian që të marrë hapa vendimtarë për themelimin e Asociacionit të Komunave me Shumicë Serbe që të sigurojë përkrahjen e nevojshme në Komitet të Ministrave për anëtarësim në Këshillin e Evropës. Nga Ministria e Punëve të Jashtme të Austrisë kanë thënë se Austria është një nga vendet e para që e ka njohur pavarësinë e Kosovës dhe se përkrahin anëtarësimin e Kosovës në Këshill të Evropës. Gjithashtu Vjena zyrtare thekson se e inkurajojnë fuqishëm Qeverinë e Kosovës që të ndërmarrë hapa vendimtar për themelimin e Asociacionit, që në mënyrë të sigurt të arrijë shumicën e ...

Shefja e Grupit Parlament të VV-së, Mimoza Kusari-Lila, nuk është pajtuar me vendimin që gjykata sot ia ka dhënë njeriut që para një viti e kishte kanosur. Ajo ka akuzuar Gjykatën Themelore të Prishtinës për drejtësi selektive. Në profilin e saj në “Facebook”, ajo ka shkruar se ata që kanë kërcënuar deputetët e PDK-së dhe LDK-së janë dënuar më shumë. Madje, ajo ka përmendur me emër gjykatësin që e ka marrë këtë vendim. Por, deputetja e VV-së duket se ka harruar se para disa muajve të njëjtat gjykata e kanë shpallur tw pafajshëm për hedhje të gazit kryeparlamenatrin Glauk Konjufca. Ky i fundit ishte liruar nga aktakuza, ani pse ai ...

Dje, Federata Shqiptare e Futbollit dorëzoi kandidaturën për organizimin e Euro 2027 të grupmoshës U-21. Por, si bashkë-organizatore, Shqipëria e ka zgjedhur Serbinë, lajm ky që ka ngjallur debat të madh, sidomos në Kosovë. Për shumëkë, ky ishte një lajm skandaloz, kurse pas Tifozave Kuq e Zi kanë reaguar edhe tifozeria e Prishtinës, “Plisat” që vazhdimisht e përkrahin Kombëtaren e Shqipërisë. Në reagimin e tyre, kërkojnë nga FSHF që të tërhiqen dhe të kërkojnë ndjesë. Reagimi i plotë i tyre, pa ndërhyrje: TËRHIQUNI E KËRKONI NDJESË TË RËNËVE E TË GJALLËVE FShF paska kandiduar bashkë me serbinë për organizimin e Evropianit U21. Nuk e kuptojmë përse një pjesë e Shqipërisë, ...

Drejtori i Përgjithshëm i Policisë së Kosovës, Gazmend Hoxha, po raporton sot para Komisionit për Çështje të Sigurisë dhe Mbrojtjes. Hoxha para deputetëve është pyetur rreth raportimit se ka pasur largime nga Njësia e Veçantë Hetimore. Ai ka mohuar se ka pasur largim të hetueseve, duke potencuar se kanë qenë katër raste të lëvizjeve që janë bërë në këtë njësi, të gjitha me kërkesë të vetë policëve. “Nga cilësia e drejtorit të përgjithshëm të policisë ju njofton zyrtarisht se nga kjo njësi, njësia e veçantë e hetimeve nuk ka pasur largime apo transferime të asnjë polici apo asnjë eprori jashtë njësisë, përveç eprorit Shemsi Haziri, i cili është transferuar në ...

Qytetarët në Kosovë vazhdojnë të ankojnë për çmime të papërballueshme në krahasim me pagat që marrin. Sipas qytetarëve ngritje të çmimeve vërehen nga dita në ditë. Përderisa njohës të fushës së ekonomisë kërkojnë ndërhyrje urgjente të institucioneve në mënyrë që inflacioni i lartë të zbutet ata thonë se duhet të shihet se çka po ndikon në rritje të çmimeve. Kosova është në krizë të thellë ekonomike dhe nevojitet ndërhyrje urgjente nga ana e institucioneve, vlerësoi kryetari i Odës Ekonomike të Kosovës Lulzim Rafuna. Ai në këtë kontekst vuri në dukje mungesën e investimeve kapitale, ecuritë në prodhimtari që lënë për të dëshiruar si dhe masat ndëshkuese të BE-së. Shqetësim, sipas ...

Presidentja Vjosa Osmani po qëndron për vizitë zyrtare në Teksas të Shteteve të Bashkuara të Amerikës. Gjatë kësaj vizite, ajo ka shkuar në kompaninë e helikopterëve Bell ku ka bërë edhe mësimin e parë në pilotim të helikopterit me pilotin më me përvojë të kompanisë, Joseph Decapite, i cili kishte shërbyer në Kosovë para 15 vitesh si pjesë e ushtrisë amerikane. “Në Fort Worth të Teksas, vizita në kompaninë e helikopterëve Bell dhe mësimi i parë në pilotim të helikopterit me pilotin më me përvojë të kompanisë, Joseph Decapite, i cili kishte shërbyer në Kosovë para 15 vitesh si pjesë e ushtrisë amerikane”, ka shkruar Osmani. Osmani me performancën e ...

Grupet kriminale shqiptare duket se po i “lajnë hesapet” mes tyre jashtë territoreve të Shqipërisë. Mbrëmjen e djeshme rreth orës 21:30 është ekzekutuar në mes të Athinës Roan Brahimi 32-vjeç dhe ka mbetur e plagosur bashkëshortja e tij Katerina Beqo 37-vjeç, fatmirësisht djali i vogël nuk ka pësuar lëndime. Roan Brahimi njihet në Shqipëri si armiku i Ervis Martinajt, për të cilin që prej 9 gushtit të vitit 2022 nuk ka asnjë informacion, pasi është zhdukur pa lënë gjurmë, një nga pistat e hetimit është ajo e vrasjes. Ngjarja e Zejmenit në Lezhë Brahimi gjithashtu është shpallur në kërkim nga policia shqiptare që në vitin 2021, i akuzuar për terrorin ...

Patentë shoferët e strukturave jo legale serbe nga sot mund të konvertohen në patentë shoferi të Republikës së Kosovës dhe do të zgjasë deri më 9 gusht të këtij viti. Sipas njoftimit të Ministria e Punëve të Brendshme, të gjithë qytetarët që posedojnë patentë shoferi të lëshuar nga strukturat jo legale serbe mund të aplikojnë për patentë shoferi zyrtar të Republikës së Kosovës përmes aplikimit formularit elektronik në ueb faqen https://patentshoferonline.rks-gov.net/ apo edhe fizikisht në Qendrën për Pajisje me Dokumente në të gjitha komunat e Kosovës. “Në rast të paraqitjes fizike për aplikim në sportelet e Qendrave për Pajisje me Dokumente, qytetarët duhet të posedojnë këto dokumente: 1. Letërnjoftimin e ...

Rreth 1.5 milion banorë pritet t’i ketë Kosova me regjistrimin e popullsisë, pa përfshirë diasporën, raporton Express. Kështu ka deklaruar Ushtruesi i detyrës së drejtorit ekzekutiv të Agjencisë së Statistikave të Kosovës (ASK), Avni Kastrati, i cili tha se deri tash janë regjistruar 1 milion e 300 mijë banorë. 1.3.000 milionë banorë janë regjistruar, e kemi edhe një javë kohë deri më 17 maj. Ekziston kontakti me regjistruesin e zonës për ata që s’janë regjistruar. Regjistruesi lë një numër kontakti dhe një email për të treguar se ku mund të kontaktohet për t’u kthyer. 1.5 milionë banorë pritet t’i ketë Kosova pa përfshirë diasporën”, ka deklaruar Kastrati. Krahasuar me vitin ...