Gjykata Themelore në Prishtinë ka shpallur aktgjykimin në çështjen penale kundër të akuzuarit  Izet Godeni, i cili akuzohet për vrasjen me sëpatë të gruas së tij, në nëntor të vitit të kaluar. Godeni është shpallur fajtor dhe është dënuar me dënim me burg në kohëzgjatje prej 25vite, raporton Gazeta Sinjali. “Me datë 30.05.2023 gjykata ka mbajtur shqyrtimin fillestar në këtë çështje penale, në të cilin i akuzuari I.G ka pranuar fajësinë, ndërsa me datë 31.05.2023 gjykata ka shpallur aktgjykimin në çështjen penale kundër akuzuarit I.G. i cili është shpallur fajtor dhe është dënuar me dënim me burg në kohëzgjatje prej 25 (njëzet e pesë) vite, të akuzuarit i është vazhduar ...

Sot zyrtarisht do të bëhet parada për hapjen e Javës së Krenarisë. Të pranishëm në Hapjen Zyrtare do të jenë presidentja e Republikës së Kosovës Vjosa Osmani dhe kryeministri Albin Kurti. Të pranishëm gjithashtu do të jenë edhe Ambasadori i Shteteve të Bashkuara të Amerikës, Jeffery Hovenier, Ambasadori i Suedisë Jonas Westerlund si dhe Frank Power, Drejtor i zyrës së Këshillit të Evropës. ”Përmes slloganit “T’du qashtu qysh je” në këtë edicion ata do të përçojnë një mesazh mbështetës për të gjithë që janë duke u përballur me sfidat e stresit, ankthit, dhe depresionit që janë pasojë direkte e homofobisë dhe transfobisë sistematike nga shteti, shoqëria, dhe familja. Me “T’du ...

Kryeministri i Kosovës, Albin Kurti sot do t’i presë në takim emisarin e posaçëm të BE-së Miroslav Lajçak dhe atë të SHBA-së, Gabriel Escobar. Në njoftimin e ZKM-së thuhet se takimi do të nisë në orën 20:00. “Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák dhe Zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar. Mediat mund të marrin pamje në oborrin e ndërtesës së Qeverisë. VENDI: Ndërtesa e Qeverisë/ KOHA: 20:00”, thuhet në njoftim. Kjo vizitë ...

I riu Agon Misini, nga Shtimja, i cili po kërkohej për dy ditë me radhë nga Policia dhe familja, është gjetur të dielën nga Shoqata e Kosovës për Kërkim dhe Shpëtim. Ai fillimisht është dërguar në Qendrën e Mjekësisë Familjare në Shtime, e më pas është transferuar në Qendrën Emergjente në Ferizaj. Sinjali mëson se pasi Policia ka intervenuar, në vendin e ngjarjes u gjet një shishe e mbushur me preparate higjienike (domestos) që dyshohet se 23-vjeçari e kishte konsumuar. Si prova, zyrtarët policorë kanë sekuestruar edhe disa shishe të thata të pijeve energjike. Hetimet për zbardhjen e rrethanave të rastit tashmë kanë nisur, ndërkohë që Policia ka njoftuar se sipas ...

Në ditën e njëmbëdhjetë të protestës, protestuesit në komunat veriore të vendit, Zveçan, Leposaviq dhe Zubin Potok, kanë filluar të mblidhen edhe sot para ndërtesave komunale. Nata e së dielës ka kaluar e qetë në këto komuna. Për dallim nga herët tjera, gjatë ditës së djeshme në komunën e Zubin-Potokut nuk ka pasur protestues, ndërsa qytetarët serbë kanë festuar “Ditën e përkujtimeve”. Pjesëtarë të KFOR-it dhe të Policisë së Kosovës po vazhdojnë të qëndrojnë pranë dhe brenda ndërtesave komunale në ruajtje të rendit. Aktualisht situata e përgjithshme në këto tre komuna paraqitet e qetë. /GazetaSinjali/ ...

Shkruan: Lee Smith Gjykata Speciale do të shuhej duke kaluar edhe nëpër Këshillin e Sigurimit të OKB-së në vitin 2020. Për këtë ishin pajtuar ShBA, Kosova dhe Serbia. Akuzat për trafikim organesh janë trillim i Rusisë. Ka dëshmitarë që u mashtruan dhe u manipuluan nga njerëz që u paraqitën si agjentë të CIA-së. Akuzat ndaj Hashim Thaçit nuk kanë bazë. Prokurori i parë amerikan i Gjykatës Speciale, David Schwendiman hetoi për disa vite dhe tha se nuk ka gjetur gjë për të ngritur aktakuza dhe pastaj dha dorëheqje. Erdhi Jack Smith në vend të tij. Në pranverë 2020 ai u njoftua fshehtë se Gjykata Speciale po mbyllej si pjesë e ...

Ministri i Mbrojtjes i Serbisë, Millosh Vuçeviq ka folur për ngjarjet e fundit në veri të Kosovës, me ç’rast nuk e ka humbur mundësinë të tregohet edhe kërcënues. Ai tha se “askush nuk duhet ta testojë gatishmërinë ushtarake të Serbisë”. “Serbët e Kosovës janë të gatshëm t’i shkojnë kësaj deri në fund; e madje edhe nëse çmimi është vetë jeta e tyre”, ka shtuar, Millosh Vuçeviq. Teksa jepte këto deklarata në televizionin i cili është nën kontrollin qeveritar serb, “TV Pink”, pretendoi se “Kurti dëshiron konflikt të Serbisë me NATO-n” në mënyrë që “të vazhdojë okupimin e veriut”. Sa i përket pritshmërive të shtensionimit të situatës ditëve në vijim, ministri ...

Pjesëtarët e Policisë të cilët janë të thirrur për të ofruar rend dhe siguri dhe e kanë detyrim denoncimin  e rasteve të ndryshme, kurdo dhe kudo që ata janë prezentë, jo rrallëherë futen edhe vet në telashe. Një rast i tillë dyshohet se ka ndodhur të shtunën, në rrugën “Jusuf Gërvalla” në Prizren, ku një zyrtar policor është përfshirë në një incident, raporton ekskluzivisht Gazeta Sinjali. Burimet brenda Prokurorisë kanë bërë me dije se zyrtari policor (emër i njohur për redaksinë) po dyshohet se në rrethana akoma të panjohura, e ka sulmuar fizikisht një 32-vjeçare, teksa po qëndronin të dy në një lokal. Sinjali mëson se polici i dyshuar ka ...

Deputetja nga radhët e Partisë Demokratike të Kosovës, Ariana Musliu-Shoshi, është kërcënuar nga persona të panjohur, në llogarinë e saj në rrjetin social ‘Facebook’. Për mesazhet që ka marrë ka njoftuar vet ajo, teksa tashmë i ka denoncuar si raste edhe në Polici, raporton Gazeta Sinjali. Sinjali mëson se Musliu-Shoshi ia ka mësyrë gjatë ditës së djeshme Policisë, ku ka kërkuar ndihmë duke i raportuar mesazhet ku është kanosur seriozisht nga disa persona. Pas denoncimit të rastit, Prokurori i Shtetit ka urdhëruar nisjen e hetimeve në drejtim të veprës penale “Kanosje” dhe ndërmarrjen e veprimeve të nevojshme hetimore për identifikimin e të dyshuarve. Sipas deputetes, kërcënimet ndaj saj pasuan pas ...

Gazeta Sinjali raportoi sot për arrestimin e një punëtori të postës së shpejtë ‘Speed Posta’, në Fushë Kosovë, i cili dyshohet se ka përvetësuar mbi 3500 euro, duke keqpërdorur besimin në këtë kompani. Paratë të cilat i mori pasi shpërndau mallin nuk i ktheu, e bashkë me to u zhduk edhe vet. Por pas denoncimit, Policia arriti ta prangos dhe i njëjti tashmë ndodhet në mbajtje. Burimet brenda Prokurorisë kanë bërë me dije se bëhet fjalë për Veton Rexhepin, 33-vjeçar,i cili u kap gjatë ditës së djeshme në një fshat të Prishtinës. Me rastin e kontrollit policor, atij iu gjetën vetëm 1 mijë euro nga shuma totale që dyshohet se ...