Një incident mes dy personave ka ndodhur në orët e para të mëngjesit të sotëm në rrugën ‘Besim Rexhepi’ në Ferizaj, raporton Gazeta Sinjali.
Sinjali mëson se ngjarja ka ndodhur rreth orës 03:00, ku pas një mosmarrëveshjeje verbale për motive të panjohura, 19-vjeçari dyshohet se ka sulmuar fizikisht një person duke e grushtuar në fytyrë.
Për shkak të lëndimeve të marra si pasojë e sulmit, viktima është dërguar në Qendrën Emergjente në Spitalin e Ferizajt për tretman mjekësor.
Ndërkohë rasti është denoncuar edhe në Polici, të cilët kanë arrestuar 19-vjeçarin dhe e kanë shoqëruar në stacion policor për intervistim.
Me vendim të prokurorit, ndaj tij është iniciuar rasti ‘Lëndim i lehtë trupor’ dhe ai është dërguar në mbajtje për 48 orë.