Pas 10 muajsh, Policia e Kosovës ka arrestuar njërin nga të dyshuarit për vjedhjen e një sasie të cigareve në marketin ‘Viva Fresh’, në rrugën “Ganimete Tërbeshi” në Prishtinë.
I dyshuari M.M., u arrestua nga Policia gjatë ditës së djeshme në Fushë Kosovë, pasi i njëjti ishte futur në listën e personave të kërkuar.
Ai dyshohet se më 6 korrik 2021 kishte thyer derën e këtij marketi dhe kishte vjedhur cigare, sasia e të cilave nuk dihet. Policia disa herë e kishte kërkuar të njëjtin, por nuk është kapur deri më dje.
Me urdhër të prokurorit, i dyshuari është dërguar në Qendrën e Mbajtjes për 48 orë, si i dyshuar për kryerjen e veprës penale “vjedhje e rëndë”.
/GazetaSinjali/