Ambasadori i Gjermanisë në Prishtinë Jorn Rohde ka përgëzuar Vjosa Osmanin me rastin e zgjedhjes presidente e re e Kosovës.
Rohde në një postim në Twitter ka shkruar se Gjermania do të vazhdojë të jetë partner i ngushtë për shtetin e Kosovës.
“Urime Vjosa Osmani për zgjedhjen si presidente e Kosovës. Gjermania do të vazhdojë të jetë një mik dhe partner i ngushtë për Kosovën. Unë pres që të punoj nga afër me ju në intensifikimin e mëtejshëm të marrëdhënieve gjermano-kosovare”, ka shkruar diplomati gjerman.
Gruaja më e votuar në zgjedhjet e fundit parlamentare Vjosa Osmani nga Lista Guxo, pjesë e Lëvizjes Vetëvendosje në Kuvend, është zgjedhur shefe e re e shtetit të Kosovës.
Vjosa Osmani në zgjedhjet e 14 shkurtit mori mbi 300 mijë vota, duke u bërë kështu personi më i votuar në Kosovën e pasluftës./KP