Shtetet e Bashkuara të Amerikës më 4 korrik festojnë 246 vjetorin e pavarësisë nga Perandoria Britanike, raporton Gazeta Sinjali.
Me këtë rast për nder të Pavarësisë do të ketë edhe organizime edhe në Ambasadën e Shteteve të Bashkuara të Amerikës në Kosovë.
Ambasadori Hovenier me rastin e kësaj dite ka mbajtur një fjalim, duke shprehur marrëdhëniet e ngushta me Kosovën.
Ai ka përsëritur mbështetjen e madhe që Kosova ka nga Amerika.
“Ne mbetemi të palëkundur në mbrojtjen e sovranitetit dhe integritetit territorial të Kosovës”, ka thënë ai.
“Nuk mund të mendoj për asnjë vend më të përshtatshëm për ta bërë këtë se sa këtu – në Ambasadën e SHBA’së të një Kosove sovrane, të pavarur dhe demokratike”, tha ambasadori.
Në këtë organizim të Ambasadës së SHBA-së, morën pjesë edhe liderët e Kosovës, Vjosa Osmani dhe Albin Kurti.