Kryeministri i Kosovës Albin Kurti, që kur erdhi në pushtet pati nisur me ndarjen e prioriteteve. Ajo çka ra në sy ishte pozicionimi i dialogut Kosovë-Serbi, kur ai nuk e cilësonte si prioritet marrëveshjen finale e vazhdimin e dialogut, anipse kjo i kërkohej nga ndërkombëtarët, shkruan Gazeta Metro.
Se ndërkombëtarët e kërkonin këtë thuhej vazhdimisht nga ta kur vinin në vizita në Kosovë dhe zhvillonin takime me kryeministrin Albin Kurti.
Renditja e prioriteteve u pasua edhe nga ministrat e Kurtit, siç ishte rasti me ministren e Ekonomisë Artane Rizvanolli.
Ajo tha se dialogu nuk është prioritet për Qeverinë Kurti.
E dje Kosovën vizitoi ndihmës Ndihmës-sekretarja amerikane e Shtetit për Çështje Evropiane dhe Euroaziatike, Karen Donfried, bashkë me emisarin e posaçëm të Departamentit Amerikan të Shtetit për Ballkanin, Gabriel Escobar.
Mesazhi i tyre ishte i qartë-dialogu Kosovë-Serbi duhet të vazhdoj dhe mos të krijohet ‘’status-quo’’.
Sot ambasada amerikane vuri theksin te njëra nga fjalitë e Friedman e cila thoshte: “Status quo-ja është e paqëndrueshme; jo vetëm që pengon të ardhmen evropiane të Kosovës dhe Serbisë, por është në dobi të Kremlinit. Rusia dëshiron të prishë çdo unitet dhe konsolidim demokratik në vendet e Ballkanit Perëndimor.Mënyra më e mirë për të kundërshtuar përpjekjet flagrante të Kremlinit për të destabilizuar rajonin është e thjeshtë: Kosova dhe Serbia duhet të bashkohen dhe të riangazhohen urgjentisht në dialogun e lehtësuar nga BE me mbështetjen e fuqishme të SHBA’ve’’.
(1/2) A/S Donfried: “The status quo is unsustainable; not only does it hinder Kosovo and Serbia’s European futures, but it benefits the Kremlin. Russia wants to ruin any unity and democratic consolidation in Western Balkans’ countries…” pic.twitter.com/3t3Q97B3gq
— U.S. Embassy Pristina (@USEmbPristina) April 26, 2022