Aktorja Kaltrinë Zeneli, që publikoi videon tronditëse që shpërfaq dhunën ndaj një gruaje të moshuar në qendrën e për kujdesin e të moshuarve ‘Orenda’ në Pejë, është përballur me kërcënime serioze. Në rrjetet e saj sociale, direkt por edhe indirekt ajo ka pranuar mesazhe të ndryshme, e të cilat ka vendosur t’i raportojë në Polici, mëson Gazeta Sinjali.
Kështu kanë bërë të ditur burimet e Sinjalit nga Prokuroria dhe kanë njoftuar se tashmë kanë nisur hetimet në drejtim të veprës penale “Kanosja”, pasi Zeneli denoncoi sot rastet e kërcënime.
Zeneli sot ka folur për Sinjalin dhe ka treguar për mesazhet e ndryshme që ka marrë, e një ndër ta ka qenë edhe kërcënimi me jetë.
“Kom marrë kërcënime prej personave qe nuk jetojnë në Kosovë, në gjuhë të ndryshme. Por edhe indirekt më kanë kërcënu. Nuk e kom denoncu ende. I vetmi problem është te një vajzë që e ka emrin Kaltrinë Zeneli dhe njerzit po mendojnë që unë jam ajo dhe po e kërcënojnë atë”, tha ajo për Sinjalin.
Zeneli tha se një ndër mesazhet kërcënuese ka qenë edhe ‘Veç mos t’pafsha në rrugë se kom me të mytë’, por sipas saj, ajo nuk e ka mendjen te kërcënimet.
Ndryshe, publikimi i pamjeve nga Zeneli u bë ‘sebep’ për arrestimin e tri infermiereve të përfshira në këtë rast që dyshohet se ka ndodhur para disa ditësh. Tri infermieret e dyshuara Aurona Pelaj, Altina Rexhepi dhe Remzie Kuqi, kanë dalë sot para Gjykatës dhe ndaj tyre është caktuar masa e paraburgimit prej 30 ditësh./Sinjali