Dy aktivistë të Partisë Socialdemokrate kanë hyrë në konferencën e kryetares së Gjykatës Speciale, Ekatarina Trendafilova me fishkëllima duke e kundërshtuar punën e kësaj gjykate dhe duke thënë që nuk mund të lejojnë të raportojë në heshtje.
Trendafilova reagoi duke thënë se nuk e kuptoi se çfarë kërkuan të dy aktivistët.
“Me vjen keq qe se kuptova çka tha ky djalosh besoj deshi të bëj pyetje por është mirë që dikush të na përkthejë. Po ju qaseni këtij takimi në mënyrë ekocionale, por të jemi të qetë të vazhdojmë pastaj mund të bëni pyetje”, ka thënë Trendafilova.
Ndryshe, Trendafilova dhe administratorja Fidelma Donlon sot po qëndrojnë për vizitë në Prishtinë, ku do të flasin për mandatin, punën dhe zhvillimet e fundit në Dhomat e Specializuara të Kosovës (DHSK).
Kryetarja e Dhomave të Specializuara të Kosovës, Ekaterina Trendafilova pritet ta vizitojë edhe Mitrovicën e Veriut./RTK
Aktivistët e PSD-së ndërpresin konferencën e Trendafilovës me fishkëllima
Aktivistët e PSD-së Bardh Ahmeti dhe Visar Perolli i kanë ndërprerë konferencën kryetares së Dhomave të Specializuara të Kosovës, Ekaterina Trendafilova me fishkëllima, raporton Ekonomia Online.
Ata thanë se ajo është kryetare e një gjykate të padrejtë dhe nuk mund të lejohet që të mbahet në qetësi kjo konferencë.
“Kanë harru që kanë pasur krime këtu dhe nuk mund ta lejojmë që në qetësuar dhe në heshtje të raportohet”.
Përderisa para fillimit të konferencës disa qytetarë kanë dalë në protestë para vendit ku do të mbahej ajo.
Trendafilova tha se i vjen keq që nuk e kupton gjuhën shqipe për të ditur se çka thanë dy të rinjtë, megjithatë, i ka ftuar të njëjtit të kthehen në konferencë, për të bërë pyetje ndaj saj.
