Një aksident i rëndë ka ndodhur pasditen e sotme në Shtime. Një automjet ka goditur një fëmijë me biçikletë që dyshohet të jetë i moshës 8-vjeçare.
Rastin e ka konfirmuar për Sinjalin zëdhënësi i Policisë për rajonin e Ferizajt, Basri Shabani.
“Aksidenti ka ndodhur rreth orës 17:00 në Shtime. Një veturë ka goditur një fëmijë të moshës 8-vjeçare i cili ka pësuar lëndime të rënda dhe është dërguar për trajtim në QKUK”.
Ai ka konfirmuar që me kërkesë të Prokurorisë vozitësi është dërguar në mbajtje.