Aksident i rëndë në Çagllavicë, lëndohen gjashtë persona

- in Lajme

Sot rreth orës 03:20 në rrugën Prishtinë-Ferizaj saktësisht në Çagllavicë ka ndodhur një aksident ku të përfshira kanë qenë dy vetura, raporton Gazeta Sinjali.

Rastin për Sinjalin e ka konfirmuar zëdhënësi i Policisë së Kosovës për rajonin e Prishtinës, Agron Borovci.

Sa i përket lëndimeve trupore, gjashtë persona kanë marrë trajtim mjekësor, ndërsa ka pasur edhe dëme materiale.

“Sot rreth orës 03:20 ne rrugën Prishtinë – Ferizaj, saktësisht në Çagllavicë, ka ndodhur një aksident trafiku në mes të dy automjeteve. Si pasojë e aksidentit gjashtë persona kanë pësuar lëndime trupore. Të njëjtit janë dërguar për tretman mjekësor. Me rastin po merret njësiti i trafikut”, ka thënë Borovci për Sinjalin.

/GazetaSinjali/