Edhe përkundër numrit të madh të zyrtarëve policor, aksidentet asesi nuk po arrijnë të ndalen.
Por një aksident i pazakontë ka ndodhur në Gjilan, ku një veturë si shkak i mos përshtatjes së shpejtësisë ka goditur dy persona, një veturë të parkuar e më pas edhe një lokal telefonash, raporton Gazeta Sinjali.
Zëdhënësi i Policisë së Gjilan toger Ismet Hashani tregoi për Gazetën Sinjali se si shkak i mos përshtatjes së shpejtësisë në rrugën “Haki Miderrizi” në Gjilan dje rreth orës 14:40 ka ndodhur një aksident.
Sipas tij lëndime trupore kanë pësuar dy këmbësorë, pasi të njëjtit janë goditur nga një veturë në lëvizje të cilën e drejtonte i dyshuari.
“I dyshuari me veturë ka goditur edhe një veturë e cila ishte e parkuar, e pastaj ishte përplasur në një lokal afarist. Të lënduarit janë dërguar në tretman mjekësor”, tha Hashani.
