Lidhja Demokratike e Kosovës ende nuk ka një qëndrim lidhur me postin e presidentit. Përkundër takimit gati dy orësh me fituesit e zgjedhjeve, kryetari i LDK-së, Lumir Abdixhiku nuk e ka definuar vendimmarrjen lidhur me votimin e Vjosa Osmanit si presidente. Ai tha se pas formimit të organeve të partisë, do të dalin me qëndrim të qartë.
Ai para gazetarëve tha se ka përfunduar takimet me Lëvizjen Vetëvendosje dhe Albin Kurtin, sipas tij, pas formimit të qeverisë, do të presin shpalosjen e qëndrimeve të pretendentes për presidente, lidhur me tërë spektrin politikë.
Abdixhiku: Jemi dakorduar që pas formimit të institucioneve takohemi me pretendenten për kandidate për president
“Ne sot përfunduam takimin e parë me kryetarin e LVV zotëri Kurti në të cilin i diskutuam temat e sekuencës të formimit të institucioneve. Mund të them që këtu kemi përfunduar takimet me VV-në sepse pozicionet tona janë të qarta sepse kështu ka vendosur zëri qytetarë, LVV është në pozitë dhe ne në opozitë. Ne do të jemi një opozitë aktive dhe do të jemi një alternativë e re në skenën politike të ardhshme të qeverisjes. Këtu përfundojmë takimin me LVV. Jemi dakorduar që pas formimit të institucioneve takohemi me pretendenten për kandidate për presidente dhe të kuptojmë më qartë pozicionin e saj si pretendente për presidente karshi LDK-së karshi LVV-së karshi partive opozitare dhe në veçanti karshi nismës së saj politike të paralajmëruar. Pra presim që javën e ardhshme pas formimit të institucioneve të bisedojmë e të presim ftesën nga pretendetja për presidente”, tha ai.
Abdixhiku, përsëriti qëndrimin se s’janë të interesuar për destabilitet politik, por nuk dëshirojnë që vendi të ketë një president që përfaqëson një parti, por gjitha partitë.
Abdixhiku: S’jemi të interesuar të shkaktojmë destabilitet politik
“Ne të hënën jemi parti parlamentare marrim pjesë me deputetët tanë dhe do të vazhdojmë si opozitë dhe këtu përfundon realcioni jonë me LVV-në, do të jemi një opozitë e qeverisë së ardhshme të LVV-së. Gjatë javës së ardhshme do të bisedojmë dhe takohemi me pretendeten për presidente…Presidenti i vendit sipas rolit kushtetues duhet t’i përfaqësojë të gjithë qytetarët e vendit. Si LDK kemi thënë gjithmonë se s’jemi të interesuar të shkaktojmë destabilitet politik dhe më pak të krijojmë një president që përfaqëson një parti politike por që i përfaqëson të gjitha partitë në vend”, u shpreh Abdixhiku.
Krahas kësaj, Abdixiku tha se nesër Këshillit të Përgjithshëm do t’ia prezantojë detajet dhe më pas të marrin vendimet e duhura.
Abdixhiku: Organet e partisë marrinë vendimet
“Nesër si LDK kemi mbledhjen e Këshillit të përgjithshëm ku do të formojmë kryesinë e re dhe më pas janë organet e partisë që marrin vendimet. Unë do t’ua prezantoj detajet e këtij takimi”, tha ai./E.Zeqiri/KP