Deklarata e ministrit të Drejtësisë dhe Pakicave të Malit të Zi, Valdimir Leposaviq, që refuzoi të pranonte se në Srebrenicë ka ndodhur gjenocid ka nxitur reagime.
Leposaviq ishte pyetur nëse ishte i gatshëm të pranonte se në Srebrenicë ka ndodhur gjenocid, por ai ishte përgjigjur se “nuk ka njohuri shumë për ngjarjen” dhe se do të pranonte krimet në këtë vend “kur kjo të vërtetohet përtej çdo dyshimi”.
Zëvendëskryeministri i Malit të Zi, Dritan Abazoviq përmes një postimi në Twitter deklaroi se në Srebrenicë ka pasur gjenocid dhe se nuk asgjë për diskutim në lidhje me këtë çështje.
“Në Srebrenicë ka pasur gjenocid. Qeveria e Malit të Zi respekton të gjitha konventat dhe vlerësimet ndërkombëtare. Në këtë pikë s’ka çfarë të diskutohet. Kush nuk e kupton këtë gjë, s’ka vend në institucione e në funksione shtetërore. Le të shohim nga e ardhmja, kemi shumë punë për të bërë”, shkroi Abazoviq.
Genocide took place in #Srebrenica.@VladaCG respects all international judgments and conventions. There is no discussion about that.
The one who does not understand this, has no place in state functions.
Let's look to the future, we have a lot of work to do!
— Dr Dritan Abazovic (@DritanAbazovic) March 30, 2021
Po, ashtu, reagoi edhe ish-ambasadorja e Kosovës në SHBA, Vlora Çitaku që i kërkoi Abazoviqit që të fliste me ministrin Leposaviq.
“Flit me ministrin tënd të Drejtësisë”, shkroi Çitaku.
https://twitter.com/vloracitaku/status/1376814186555174912 /KP