Kandidati për deputet nga PDK, Menduh Abazi, ka vizituar sot veteranët e UÇK-së.
Ai ka thënë se ky takim, është privilegj për të.
Sipas Abazit, fitorja do të gëzohet me rikthimin e Thaçit dhe Veselit nga Haga.
Statusi i plotë:
Është privilegj dhe nder për mua takimi me veteranët e UÇK-së, me pjesën më të ndjeshme të shoqërisë tonë.
E fillova angazhimin tim politik pikërisht këtu në takimin tim të parë me Këshillin Drejtues të Veteranëve, përfaqësues të 69 fshatrave. PDK mbetet bërthama e UÇK-së, që ka ruajtur dhe vazhdon të ruaj vlerat e gjithësecilit kontributdhënës.
Sakrificat, mundin dhe dërgimin e vlerave të njerëzve të mirë, të vullnetit të mirë i kemi amanet për t’i dërguar në vendin e duhur, në Kuvend. Iu bëra thirrje të mos lejojnë mposhtjen, ofendimet, paragjykimet dhe antivlerat që po atakojnë vlerat më sublime të luftës, angazhimin e UÇK-së.
Fitoren tonë do t’a gëzojmë me rikthikimin faqebardhë të liderëve tanë, dhe me vullnetin e përkrahjen që sot shprehen veteranët./RTK