Gjatë ditës së sotme në komunat në veri të Republikës së Kosovës janë dëgjuar disa shpërthime të njëpasnjëshme. Policia e Kosovës ka konfirmuar se ka pasur shpërthime e shkrepje armësh, por nuk është raportuar për të lënduar, por vetëm janë demoluar orenditë e zyrës së Komisionit Komunal Zgjedhor, raporton Gazeta Sinjali.
Si pasojë qytetarët atje janë shprehur të frikësuar dhe të shqetësuar për situatën e krijuar. Blerim Zhubi nga Mitrovica përmes një postimi në rrjetin social Facebook ka ndarë me ndjekësit e tij përvojën me të cilën u përball bashkëshortja dhe nëna e tij gjatë ditës së sotme.
Zhubi ka thënë se teksa janë larguar nga Veriu, bashkëshortja e tij bashkë me nënën e tij dhe një fëmijë të vogël, janë takuar me zyrtarët policorë të cilët ndodheshin aty.
Ai ka kritikuar Policinë, për të cilët thotë se kanë drejtuar pyetje sikur të ishin duke parë filma dhe jo shpërthim bombe dhe u ka bërë thirrje që t’i zhveshin uniformat dhe ‘të veshin minifundet’.
“Gjate largimit nga situata e cila ndodhi ne Veri, ne mes te turmës se serbeve, e vetme me një fëmije e një plake per dore, me dy torba krahu.. ishte Allahu, Ai qe na ruajti e na ndihmoj te kalojmë uren. NDERSA, POLICIA ME GJAKFTOHTESI ME PYESNIN: A TE NGUCI KUSH… SIKUR TE ISHIN DUKE PARE FILMA, JO NJE SHPERTHIM BOMBE , E NJE GRUA ME FEMIJE E VETME DUKE IK NGA SHPERTHIMET. MONITORIM TE SITUATES E KISHIN ME SY!”
Ai u shpreh se shqiptarët në Veri të Mitrovicës detyron të mbështeten vetëm në mëshirën e Zotit.
Postimi i plotë:
Shqiptaret ne Veri te Mitrovicës nen mëshirë te ZOTIT
Ku janë institucionet e shtetit ne Veri te Mitrovicës, ku janë institucione e sigurisë, ku është Ministria e Punëve te Brendshme?!?!
Ju Policia e Kosovës se bashku me zinxhirin komandues, deshni uniformat , veshni minifundat, se skemi mbet për kurgjo.
Ky është përjetimi i bashkëshortes dhe nenës time sot:
Gjate largimit nga situata e cila ndodhi ne Veri, ne mes te turmës se serbeve, e vetme me një fëmije e një plake per dore, me dy torba krahu.. ishte Allahu, Ai qe na ruajti e na ndihmoj te kalojmë uren. NDERSA, POLICIA ME GJAKFTOHTESI ME PYESNIN: A TE NGUCI KUSH… SIKUR TE ISHIN DUKE PARE FILMA, JO NJE SHPERTHIM BOMBE , E NJE GRUA ME FEMIJE E VETME DUKE IK NGA SHPERTHIMET. MONITORIM TE SITUATES E KISHIN ME SY!
Shqiptaret, komunitetet tjera dhe serbet qe nuk i përkasin grupeve kriminale janë nen shënjestër! Ku eshte Qeveria Kurti qe na la pa mbrojtje!?