Një mosmarrëveshje në trafik u bë “mollë sherri” që një person të gjuajë me armë në drejtim të një personi tjetër në rrugën “Brigada 153”, në Hajvali të Prishtinës.
Rasti është duke u hetuar nga policia, teksa nuk raportohet për të arrestuar.
“Rr. Brigada 153, Hajvali, Prishtinë. Ankuesi mashkull kosovar ka njoftuar se pas një mosmarrëveshje në komunikacion, një i dyshuar nga një veturë ka shtënë me armë zjarri në drejtim të tij. Në vendin e ngjarjes njësia e hetimeve dhe krimteknikës kanë sekuestruar një gëzhojë. Rasti duke u hetuar”, thuhet në njoftimin e policisë./Demokracia